Jańa jyl túninde Saryshaǵan turǵyny kenttiń bas shyrshysyn órtep jiberdi. Endi oǵan 3-ten 7 myń AEK-ke deiin aiyppul salynýy múmkin, dep habarlaidy "Ult aqparat".
1 qańtarda tańǵy saǵat 6:00 shamasynda Aqtoǵai aýdany PB Saryshaǵan kenttik politsiia bólimshesiniń kezekshi bólimine belgisiz bireýlerdiń Saryshaǵan kentiniń mádeniet saraiynyń janynda ornatylǵan shyrshany órtep jibergeni týraly habarlama kelip tústi.
Jedel-izdestirý is-sharalary barysynda politsiia qyzmetkerleri atalǵan qylmysty jasady degen kúdikpen 31 jastaǵy kent turǵynyn ustaǵan.
Atalǵan derek boiynsha QR QK-niń 202-baby 2-bólimi «Qasaqana órt qoiý jolymen bóten múlikti qasaqana joiý nemese búldirý» boiynsha sotqa deiingi tergeý bastaldy.
«Osy baptyń sanktsiiasyna sáikes kúdikti úsh myńnan jeti myń ailyq eseptik kórsetkishke deiingi mólsherde aiyppul salý, ne bolmasa sol mólsherde túzeý jumystaryna tartylý nemese úsh jyldan jeti jylǵa deiingi merzimge bas bostandyǵyn shekteýge, ne sol merzimge bas bostandyǵynan aiyrylý jazasyn óteidi.
Qazirgi ýaqytta tergeý amaldary júrgizilýde», - dep habarlady Qaraǵandy oblysy PD baspasóz qyzmeti.
