Ońtústik Qazaqstan oblysy Saryǵash aýdanynda bos jumys oryndary jármeńkesi ótti. Onda 30 dan asa jumys berý mekemeleri qatystyrylyp, 500-den asa jumys oryndary usynyldy, dep habarlaidy "Ult aqparat".
Aita keteiik, nátijeli jumyspen qamtýdy jáne jappai kásipkerlikti damytýdyń 2017 – 2021 jyldarǵa arnalǵan baǵdarlamasy boiynsha biyl Saryaǵashta 2 myńnan astam azamat qaita oqýǵa jiberilgen. Kúni búginge deiin solardyń teń jartysy qaita daiarlyqtan ótip úlgerdi. Ázirge 3-ten biri turaqty jumysqa turǵan. Sonymen qatar, osy kúni baǵdarlama boiynsha qysqa kásibi daiarlyqtan ótken azamattarǵa sertifikat tabys etilip, oblys ákiminiń aktsiiasy aiasynda tartý-taralǵylar jasaldy. Ári olarǵa bos jumys oryndary usynyldy.
Oblysta qysqa merzimdi kásiptik oqytýǵa 12 myńnan asa azamat jiberilse, onyń 5 myńnan astamy oqýyn bitirgen, 1 jarym myńǵa jýyq turǵyn turaqty jumyspen qamtylyp otyr. Oblystyq jumyspen qamtýdy úilestirý jáne áleýmettik baǵdarlamalar basqarmasynyń basshysy Muhit Otarshiev jańa jyldan bastap jumys oryndarynyń kóptep ashylatyn jetkizdi. Onyń aitýynsha, búginde basqarma memlekettik, biýdjettik mekemelerdegi eńbek naryǵyna turaqty monitoring jasap, kásiporyndardaǵy bos jumys oryndaryna da taldaý júrgizip otyrady. Bul turǵyndarǵa der kezinde eki qolǵa bir kúrek usynýdyń joly.
Sondai-aq basqarma ókilderi 2018 jyldyń 1 qańtarynan bastap engiziletin ataýly áleýmettik kómektiń jańa formatyn túsindirdi. Sala mamandarynyń aitýynsha, jańa úlgide shartsyz jáne shartty aqshalai kómek bolyp eki túrge bólinedi. Shartsyz aqshalai kómek quramynda eńbekke jaramsyz músheleri bar otbasylaryna nemese eńbekke jaramdy músheleri eńbekpen qamtý sharalaryna obektivti sebeptermen qatysa almaityn otbasylaryna beriledi. Mundai otbasylarynan járdemaqy alýy úshin jumyspen qamtý sharalaryna mindetti túrde qatysý talap etilmeidi. Shartty aqshalai kómek quramynda eńbekke jaramdy kem degende bir múshesi bar otbasyna áleýmettik kelisimshart jasasqan jaǵdaida, sonymen qatar, otbasynyń barlyq eńbekke jaramdy músheleri jumyspen qamtý sharalaryna mindetti túrde qatysqan jaǵdaida beriledi. Áleýmettik kelisimshartqa qol qoia otyryp, taraptar ózara jaýapkershilikti moiyndaryna alady. Tulǵalarǵa tekten tek aqshalai kómek usynylmaidy, oǵan jumysqa ornalasýǵa kómek beriledi, qaita daiarlaý men kásibi biliktiligin arttyrý úshin ártúrli kýrstarǵa jiberiledi. Osylaisha, otbasynyń kedeilik jaǵdaiynan shyǵý múmkindigi yntalandyrylady.
