"Saryarqa" gaz qubyry elordaǵa deiin qazan aiynda tartylatyn boldy. Bul týraly "Samuryq-Qazyna" UƏQ" AQ basqarma tóraǵasy Ahmetjan Esimovtiń "Saryarqa" magistraldik gaz qubyr trassanyń 820-ynshy shaqyrymyna jasaǵan sapary kezinde belgili boldy, dep habarlaidy kompaniianyń baspasóz qyzmeti.
"Samuryq-Qazyna" tóraǵasy jalpy qurylys barysyn oń baǵalady. Ahmetjan Esimov eń bastysy qurylysty ýaqytyly tapsyryp, gazdy qubyryn tolyqtai iske qosý, sondai-aq jóndeý jumystaryn merziminde aiaqtaý kerektigin atap ótti.
«Qazirgi tańda gaz qubyrynyń qurylysy 75%-ǵa aiaqtalǵan. Jalǵaý jumystary Qaraǵandy men Aqmola oblystarynda júrgizilýde. «QazMunaiGaz» UK» AQ men ákimdikter qurylystyń jelilik jaǵy támamdalǵannan keiin eldimekender men astanany gazben jabdyqtaýǵa kirisedi», - dedi «AstanaGazKMG» AQ Bas direktory Saǵidolla Maqashev.
Aita keteiik, «Saryarqa» gaz qubyry trassasynyń qurylysy 2019 jyldyń qazan aiynda aiaqtalady dep kútilýde. Joba tolyǵymen 2020 salynyp bitedi jəne 1,7 mln turǵyny bar 171 eldi qamtymaq.
Qazir qurylys jumystarynyń 75%-y aiaqtalǵan. Qaraǵandy men Aqmola oblystarynda qubyrlardy jalǵaý jumystary júrgizilip jatyr.
Jeli tolyq aiaqtalǵanda, "Samuryq-Qazynanyń" qorjyndyq kompaniiasy - «QazMunaiGaz» UK» AQ jergilikti ákimdiktermen birlese otyryp, eldi mekender men elordaǵa gaz tarta bastaidy.
Aita ketken jón, "Saryarqa" jobasy Qazaqstannyń Tuńǵysh Prezidenti – Elbasy Nursultan Nazarbaevtyń tapsyrmasy boiynsha salynyp jatyr. Jobaǵa sai, el astanasy, ortalyq jəne soltústik óńirlerge gaz tartylýy tiis.
Al, "Samuryq-Qazyna" qory - jobany qarjylandyrýǵa qatysyp otyrǵan kompaniia. Gaz qubyrynyń jalpy uzyndyǵy - 1061 shaqyrym.
