Foto: Túrkistan oblystyq bilim basqarmasy
Túrkistan oblysy Saryaǵash aýdanyndaǵy S.Toraiǵyrov mektebiniń 4 synyp oqýshysy Hiýaz Arshabai el Prezidentinen arnaiy syilyq aldy, dep habarlaidy Túrkistan oblystyq bilim basqarmasynyń baspasóz qyzmeti.
Áleýmettik jeliden "Prezident balalardyń armanyn oryndaidy" degen jazbany oqyǵan ol, óz armanyn hatqa túsirip, Memleket basshysyna joldaǵan. Arada birshama ýaqyt ótkende jetkinshek Qasym-Jomart Toqaevtyń syilyǵyna ie boldy.
Foto: Túrkistan oblystyq bilim basqarmasy
"Hiýaz - kópbalaly otbasyndaǵy altynshy qyzy. Ol tek oqý úlgerimi jaǵynan ǵana emes, shyǵarmashylyq jáne intelektýaldyq qabiletterimen de erekshelenedi. Baýyrlarynyń barlyǵy da óner-bilimge bir taban jaqyn, izdenimpaz. Prezidentke jazǵan hatynda jetkinshek baýyrlaryna noýtbýk suraǵan. Sonymen qatar memleket basshysymen kezdesýdi qalaitynyn jetkizipti", delingen habarlamada.
Arnaiy Hiýaz Arshabai úshin Elordadan kelgen syilyqty Túrkistan oblystyq bilim basqarmasynyń mamandary tabystady. Prezidenttiń bul jaýaby Hiýazdy úlken qýanyshqa keneltti.
