Túrkistan oblysynyń politseileri Saryaǵashtaǵy poshta bólimshesinen 35 million teńge urlaǵan kúdiktini ustady, - dep habarlaidy Tengrinews.kz tilshisi Polisia.kz saityna silteme jasap.
Saryaǵash APB-ne poshta bólimshesiniń qyzmetkeri belgisiz bireýler mekemege tiesili 35 million teńgeni urlap ketkenin aityp, aryzdanǵan. Bul derekti politseiler QR QK-niń 190-baby "Alaiaqtyq" boiynsha tirkegen.
Kórsetilgen mekenjai boiynsha oqiǵa ornyna barǵan tártip saqshylary beinebaqylaý kameralaryndaǵy jazbalardy muqiiat tekserip, basqa zattai dáleldemelerdi zerttedi. Jedel-izdestirý is-sharalarynyń nátijesinde politsiia qyzmetkerleri poshta qyzmetkerleriniń biri bolyp shyqqan kúdiktini anyqtady.
Sondai-aq, tergeý barysynda jedel ýákilder kúdiktige qylmys jasaýǵa kómektesken onyń eki seriktesin anyqtady. Olardyń biri - jergilikti turǵyn, al ekinshisi - Semei qalasynyń turǵyny.
Poshta qyzmetkeri eki seriktesimen birge aldyn ala kelisip, alaiaqtyq jolmen mekeme qorynan aqsha urlap, ony óz shotyna aýdarǵan. Urlanǵan aqshany ózara bólisken.
Qazir bul qylmys boiynsha sotqa deiingi tergeý amaldary júrgizilip jatyr. Kúdiktilerdiń úsheýi de qamaýǵa alyndy. Oqiǵanyń mán-jaiy tergeý barysynda anyqtalady.
