Saryaǵash aýdanynda jasóspirim qyzdy zorlady degen kúdikpen er adam qamaýǵa alyndy, dep habarlaidy "Ult aqparat".
Oblystyq PD departamentiniń málimetinshe, 23 qazan kúni Saryaǵash aýdandyq PB Ózbekstan respýblikasynyń azamatshasy aryzdanǵan. Ol óziniń jasóspirim qyzyn bireýler zorlap ketkeni týraly aitqan.
Atalǵan aryz boiynsha tártip saqshylary kúdiktini anyqtap, qamaýǵa aldy.
«Osy oqiǵaǵa qatysty Qylmystyq kodekstiń 120-baby boiynsha tergeý amaldary júrgizilýde. Birneshe sot-meditsinalyq saraptamalar taǵaiyndalyp, sotqa deiingi tergeý kezinde bolǵan jaǵdaidyń mán-jailary anyqtalatyn bolady. Al, qyzdy eki adam qorlaǵan degen aqparat shyndyqqa janaspaidy» delingen habarlamada.
Eske salaiyq, buǵan deiin osy óńirdiń qoǵamdyq belsendigi Qurmanǵazy Músir óziniń facebook-tegi paraqshasynda Túrkistan oblystyq Politsiia departamentiniń bastyǵy Qairat Dálbekov pen elimizdiń bala quqyqtary jónindegi ýákili Arýjan Sainge habarlama jazyp, osy jaǵdaidy baqylaýǵa alý týraly suranys jasaǵan bolatyn.
Onyń aitýynsha, eki er adam jasóspirim qyzdy pyshaqpen qorqytyp, zorlaý áreketterin jasaǵan.
