Túrkistan oblysynyń Saryaǵash aýdanynda qýattylyǵy 20 MVt quraityn kún elektr stansasynyń qurylysy aiaqtalýǵa jaqyn. Jobany qazaqstandyq «EcoProTech-Astana» kompaniiasy germaniialyq «DERA GmbH» kompaniiasymen birlesip júzege asyrýda, dep habarlaidy "Ult aqparat".
«Túrkistan» ƏKK» AQ filialy - «TURKISTAN INVEST» kompaniiasynyń málimetinshe, jańa stansa qurylysy aiasynda 77 myńnan astam fotoelektrlik modýl, 10 invertor men transformator, sondai-aq, 10 taratýshy qurylǵy ornatylady dep josparlanǵan. «Jasyl» energiia kózderinen óndirilgen elektr energiiasy «KEGOC»-qa jetkizilmek.
Tartylǵan investitsiia quny 35 mln dollar. Jobany júzege asyrý aiasynda 20 jumys orny ashylmaq. Qazirgi ýaqytta 42 gektar jerdegi qurylys alańynda modýlderge arnalǵan metall konstrýktsiialar salynǵan. Aǵymdaǵy jyldyń aqpan aiynda kún batareialary men transformatorlar blogy ornatylady.
Elektr stansasy aǵymdaǵy jyldyń naýryz aiynda iske qosylady dep josparlanyp otyr.
