Saryaǵashta ata-anasymen renjisip qalǵan 16 jastaǵy jasóspirim úiinen ketip qalǵan, dep habarlaidy "Ult aqparat" oblystyq politsiia departamentine silteme jasap.
Saryaǵash qalasynyń jergilikti turǵyny ótken jyldyń 31 jeltoqsan kúni keshki saǵat 22:00 shamasynda 16 jasar ulynyń úiinen ketip qalǵanyn aityp, politsiia bólimine aryzdandy. Biraq ol birneshe kún keshigip aryz bergen. Sebebi ata-anasy tabylyp qalar degen úmitpen óz kúshine senip, týystarynyń barlyǵyn sharlap, balany izdegen. 4-shi kún degende izdestirý jumystarynan nátije shyqpaǵan olar bar úmitin saqshylarǵa artty.
Kámeletke tolmaǵan balany izdeýge Saryaǵash APB barlyq ýchaskelik politseileri jumyldyryldy. Ár politsei óz aýmaǵyna qarasty úi-jailardy tekserip, bala barýy múmkin degen oiyn-saýyq ortalyqtaryn da sholyp shyǵady. Osylaisha politseiler izdestirý sharalaryn joǵary deńgeide júzege asyrady. Iaǵni joǵalǵan jasóspirimdi izdeý úshin birneshe mobildik top qurylady.
Jasóspirim bala Saryaǵash qalasyndaǵy jaldamaly páterlerdiń birinen tabyldy. Keiinnen belgili bolǵandai, anasymen sózge kelip qalǵan ol jaldamaly páterde turyp, ata-anasyna degen renishin osylai kórsetpek bolǵan.
Búgingi tańda ol otbasymen birge din aman.
Óz kezeginde aman-esen tabylǵan balanyń anasy politseilerge ystyq yqylasyn bildirip, alǵysyn jaýdyrdy. Ásirese, qyraǵylyq tanytyp, ýaqyt joǵaltpai tez arada izdestirýdi bastap ketken ýchaskelik politseiler - politsiia maiory Sáken Turlybekovke, politsiia kapitany Almas Qýanyshbaiulyna jáne politsiia aǵa leitenanty Nurseit Anarbaevqa erekshe rizashylyǵyn jetkizdi.
