Kórneki foto: news.pn/ru
Saryaǵashta oqýshylar qurylysy bitpegen mektepte bilim alýǵa májbúr, dep habarlaidy QazAqparat.
Jańa oqý jyly bastalǵanymen, Saryaǵash aýdanynda ornalasqan I. Panfilov atyndaǵy mekteptegi qurylys jumystary áli aiaqtalmaǵan. Áleýmettik jelide taraǵan videodan mekeme ishinde qurylys zattary shashylyp jatqanyn, al qurylysshylar jumys istep júrgenin kórýge bolady. Degenmen búgin oqýshylar atalǵan mektepke sabaqqa barǵan.
Túrkistan oblysy Bilim basqarmasynyń baspasóz qyzmetinen málim etkendei, jóndeý jumystary josparǵa sáikes 15 qyrkúiekke deiin tolyǵymen aiaqtalady. Al mekeme ishindegi jumystar balalardyń bilim alýyna kedergi keltirmeidi. Syrtqy jumystar júrgizilip jatqan jerler qaýipsizdik maqsatynda qorshalmaq. Kesteden keshikken merdigerdiń qujattary tiisti organdarǵa berilip, aiyppul da salynǵan.
«2-3 qyrkúiektegi demalys kúnderi merdigerler mektep ishin árleý, syrlaý jumystaryn júrgizdi. 1 qyrkúiek mektepte dástúrli túrde qońyraý soǵylyp, oqýshylarmen tárbie saǵattary ótkizildi. Sonymen qatar bilim ordasynda búginnen bastap dástúrli túrde sabaq ótýde. Ishki jumystar tolyǵymen aiaqtaldy. Qazirgi tańda, balalardyń oqý protsesine kedergi keltirmeitin jumystar júrgizilip jatyr», - delingen Túrkistan oblysy Bilim basqarmasynyń baspasóz qyzmeti usynǵan aqparatta.
