Elordanyń «sary» aimaqqa ótýine bailanysty Nur-Sultan qalasy bas sanitar dárigeri Sarhat Beisenovanyń qaýlysy shyqty, dep jazady QazAqparat.
«Jeke tulǵalarǵa avtovokzal, saýda-oiyn-saýyq ortalyǵy, saýda úii, jabyq bazar, kontsert zaly, teatr, kinoteatr, halyqqa qyzmet kórsetý ortalyǵy (HQO), bank, stadion siiaqty adamdar kóp jinalatyn oryndarǵa, uiymdasqan ujymdarǵa barǵan kezde, sondai-aq qala ishindegi qoǵamdyq kólikte jol júrgen kezde betperde kiiý usynylady. Bul talap 5 jasqa deiingi balalarǵa men eresekterge tamaqtaný kezinde júrmeidi», - dep jazylǵan qaýlyda.
Buǵan deiin de habarlaǵanymyzdai, elorda «sary» aimaqta bolǵan kezde qala aýmaǵynda 10-nan artyq adanyń qatysýymen ótetin jiyndardy qashyqtan ótkizý usynylady.
«Nur-Sultan qalasynyń ákimdigi, qalalyq kásipkerler palatasy, memlekettik organdar, quqyq qorǵaý jáne arnaiy organdar, kásiporyndardyń, uiymdardyń basshylary, kásipkerlik sýbektileri avtovokzal, saýda-oiyn-saýyq ortalyǵy, saýda úii, jabyq bazar, kontsert zaly, teatr, kinoteatr, halyqqa qyzmet kórsetý ortalyǵy (HQKO), bank, stadion siiaqty adamdar kóp jinalatyn oryndarda betperde rejiminiń saqtalýyn jáne qoldy óńdeýge antiseptikterdi qoldanylýyn qamtaamsyz etsin»-delingen qalanyń bas sanitarynyń qaýlysynda.
Qaýly 23 shildeden bastap kúshine enedi.
