Sársenbi, 31 shildede elimizdiń basym bóliginde jel kúsheiip, kún kúrkireidi, jańbyr jaýady, dep habarlaidy "Ult aqparat" Qazgidrometke silteme jasap.
Sinoptikterdiń boljaýynsha, 31 shildede frontaldyq bólikterdiń ótýine bailanysty Qazaqstannyń basym bóliginde qubylmaly aýa raiy saqtalady, kei jerlerde naizaǵaily jańbyr jaýady. Tek elimizdiń ońtústik, ortalyq jáne soltústik shyǵysynda kún raiy ashyq. Kei jerlerde jel kúsheiedi, daýyl, shańdy daýyl soǵady, burshaq jaýýy múmkin, túnde jáne tańerteń tuman túsýi yqtimal.
Shyǵys Qazaqstan oblysynda, túnde jáne tańerteń Aqmola, kúndiz Jambyl, Aqtóbe, Mańǵystaý, Batys Qazaqstan, Qostanai oblystarynyń kei jerlerinde jel 15-20 m/s kúsheiedi.
Qostanai, Batys Qazaqstan oblystarynyń kei jerlerde burshaq jaýýy múmkin.
Mańǵystaý oblysynyń kei jerlerinde daýyl kútiledi.
Atyraý oblysynyń kei jerlerinde daýyl kútiledi, jel 15-20 m/s kúsheiedi, burshaq jaýýy múmkin.
Almaty oblysyn taýly jáne taý bókterindegi aimaqtarynda daýyl kútiledi, burshaq jaýýy múmkin, kei jerlerde shańdy daýyl kútiledi, jel 15-20, ekpini 25 m/s kúsheiedi.
Soltústik Qazaqstan oblysynyń kei jerlerinde túnde jáne tańerteń tuman kútiledi.
Kúndiz Almaty, Jambyl, Qyzylorda oblystarynda, Túrkistan, Qaraǵandy oblystarynyń kei jerlerinde qatty ystyq kútiledi.
Qyzylorda, Túrkistan, Jambyl, Almaty, Qaraǵandy oblystarynda, Aqtóbe, Shyǵys Qazaqstan, Atyraý oblystarynyń kei jerlerinde óte joǵary órt qaýipi saqtalady.
