Qazgidromet sinoptikteri 24 tamyz, sársenbige arnalǵan aýa raiy boljamyn jariialady, dep habarlaidy QazAqparat.
Soltústik batys antitsiklon áserinen Qazaqstannyń basym bóliginde jaýyn-shashynsyz aýa raiy saqtalady.
Tek elimizdiń ońtústik-shyǵysynda ǵana atmosferalyq fronttardyń áserinen kúndiz jańbyr jaýyp, naizaǵai jarqyldaidy.
Respýblika boiynsha kei jerlerde jel kúsheiip, túngi jáne tańǵy ýaqytta soltústikte, shyǵysta ortalyqta tuman túsedi.
Túnde elimizdiń soltústiginde, ortalyǵynda, shyǵysynda topyraq betinde 2 gradýsqa deiin úsik saqtalady.
Qyzylorda oblysynda, Túrkistan oblysynyń ońtústiginde, shyǵysynda, Batys Qazaqstan oblysynyń ońtústik-batysynda, Atyraý oblysynyń shyǵysynda, Abai oblysynyń ońtústiginde tótenshe órt qaýpi saqtalady.
Kúndiz Atyraý oblysynyń basym bóliginde, Batys Qazaqstan oblysynyń ońtústik-batysynda aptap ystyq bolady.
