Almaty oblysynyń Sarqan aýdanynda qoqystan tabylǵan balanyń anasy ustaldy. Qazir ol kúdikti retinde tergelip jatyr, dep habarlaidy "Ult aqparat".
Politseiler bala men anasynyń jeke basyn anyqtady. Balanyń anasy 19 jastaǵy jergilikti turǵyn bolyp shyqqan. Onyń aitýynsha, qyzy 2017 jyly dúniege kelgen. Ol tserebraldi sal aýrýyna shaldyqqan, sondai-aq, balada týa bitken aqyl-oi kemistigi bolǵan.
Biyl aqpanda bala aýyryp, kenet kóz jumǵan. Sondyqtan áiel týǵan aǵasymen birge qyzdy qala shetine jasyryn túrde jerlemek bolǵan.
"Qajet saraptamalar taǵaiyndaldy. Tergeý QR QK 99-baby ("Kisi óltirý") boiynsha júrgiziledi. Qylmystyq is oblystyq Politsiia departamentiniń erekshe baqylaýyna alyndy. Kúdiktilerdiń ekeýi de aýdandyq politsiiaǵa jetkizildi", - dedi Almaty oblystyq politsiia departamentiniń baspasóz qyzmeti ókili.
