Birikken Arab Ámirlikteriniń Shardja qalasynda qaza tapqan qazaqstandyq apaly-sińlili Aqjan men Juldyz Bohanovalardyń isine qatysty áleýmettik jelide kúdikti dep tanylǵan adamnyń sýreti tarady, dep habarlaidy ult.kz.
Sýretti jýrnalist Gúlmira Ábiqai áleýmettik jelidegi paraqshasynda jariialady. Jaqyndarynyń málimetinshe, qyzdardyń ólimine kúdikti retinde osy er adam ustalǵan.
Sondai-aq marqumdardyń týystary kúdikti týraly buǵan deiin Qazaqstanda júrgen kezinde birneshe qyzǵa qatysty zorlyq áreketteri bolǵany jóninde aqparat taraǵanyn jazǵan. Alaida bul málimet ázirge resmi organdar tarapynan rastalǵan joq.
Qazaqstannyń Syrtqy ister ministrligi Shardjada eki qazaqstandyqtyń qaza bolǵanyn rastaǵan. Qazir BAÁ-niń jergilikti quzyrly organdary oqiǵanyń mán-jaiyn anyqtap jatyr. Tergeý múddesine bailanysty qosymsha aqparat ázirge jariialanbaidy.
Buǵan deiin marqumdardyń týystary qyzdardyń denelerin Qazaqstanǵa jetkizý máselesimen ainalysyp jatqanyn habarlaǵan edi. Qazaqstannyń Dýbaidaǵy Bas konsýldyǵy otbasyna konsýldyq-quqyqtyq kómek kórsetip jatyr.
Týystary qyzdardyń mektepte jaqsy oqyǵanyn, jastaiynan kásippen ainalysqandaryn aitty.
