QR Mádeniet jáne sport ministrligi kóne Saraishyq qalasyn qalypqa keltirý jumystaryna 100 million teńge bóldi, - dep habarlaidy kaz.tengrinews.kz.
"Saraishyqty saqtap qalý úshin sý bógetiniń qurylys aiaqtalǵannan keiin, qalpyna keltirý jumystaryna kirisemiz. Bul jumystarǵa 100 million teńge bólindi - birinshi kezeńge. Jyl saiyn alǵa jyljyp otyramyz", - deidi Muhamediuly.
Qazirgi kezde sý bógetiniń qurylysy júrip jatyr jáne jartylai bitken. Ministrdiń sózinshe, qalypqa keltirý jumystarynan buryn qalashyqtyń eń mańyzdy tustaryn anyqtaý úshin arheologiialyq qazba jumystary júrgiziledi.
"Qazba jumystaryn akademik Zeinolla Samashev basqarady. Búkil qalany jóndeýdiń qajeti joq. Basty kóshelerdi anyqtaý kerek. Shyǵys jáne Batys qaqpalary qai jerde bolǵanyn", - dep atap ótti ministr.
Saraishyq XIII-XVI ǵyrlardaǵy qala. Tarihshylar málimeti boiynsha, Saraishyq Jibek joly boiyndaǵy saýda-sattyq jáne mádeni mańyzdylyǵy úlken qala bolǵan. Ol Atyraýdan 55 shaqyrym jerde, Jaiyq ózeniniń oń jaǵalaýynda ornalasqan. Arheologtardyń aitýynsha, qalanyń aýmaǵy 100 gektar, alaida, jyl aiyn ol kishireiip barady.
