Foto: Chýrsinov Artem
2024 jylǵy 8 qańtarda Astanada Qazaqstan Respýblikasynyń Prezidenti Qasym-Jomart Toqaevtyń «Egemen Qazaqstan» gazetine bergen suhbatyna arnalǵan «XXI ǵasyrdaǵy Ádiletti Qazaqstan: jańa jetistikter men damý perspektivalary» atty dóńgelek ústel formatynda saraptamalyq talqylaý ótkizildi. Uiymdastyrýshylar Qazaqstan Respýblikasy Ǵylym jáne joǵary bilim ministrliginiń Memleket tarihy institýty men Astana qalasynyń Ishki saiasat basqarmasy boldy.
Quttyqtaý sózben Qazaqstan Respýblikasy Parlamenti Senatynyń depýtaty Nurtóre Baitilesuly Júsip jáne Astana qalasy Ishki saiasat basqarmasynyń basshysy Nurdáýlet Imanáliuly Álmuhanov sóiledi. Sondai-aq Memleket tarihy institýtynyń direktory PhD Nurbek Serikuly Pusyrmanov jáne Qazaqstan Respýblikasy Prezidentiniń janyndaǵy Qazaqstannyń strategiialyq zertteýler institýtynyń (QSZI) Strategiialyq taldaý bóliminiń basshysy Ermek Baýyrjanuly Toqtarov baiandama jasady.
Dóńgelek ústel aiasynda Joshy ulysynyń 800 jyldyǵyna orai «Qazaq handyǵy tarihyndaǵy Shibandar (Sheibandar, Shaibaqtar) Áýleti (Ibir-sibir, Deshti-qypshaq, Máýerennahr aimaqtarynda)» halyqaralyq zertteý tobynyń ujymdyq monografiiasynyń (Qazaqstan, Resei, Tájikstan) saltanatty tusaýkeseri ótti. Monografiiada joba aiasynda zertteý taqyrybyna qatysty anyqtalǵan jáne tarih ǵylymynda buryn qoldanylmaǵan jańa eńbekter, muraǵattyq qujattar, kartalar men illiýstratsiialar qamtylǵan.
Is-sharaǵa QR Parlamentiniń ókilderi, qoǵam jáne memleket qairatkerleri, ǵylymi-sarapshylyq uiym qyzmetkerleri, azamattyq qoǵam ókilderi, Astana qalasyndaǵy JOO ǵalymdary jáne BAQ ókilderi qatysty.
