Foto: marqumnyń týystary usynǵan
Aqmola garnizony áskeri sotynda Saran qalasyndaǵy 44803 áskeri bóliminiń burynǵy áskeri qyzetkerine qatysty úkim shyqty. Ol 2021 jyly mamyrda velosiped mingen Qairat Táshenovti kóligimen qaǵyp ketip, keiin ol qaza bolǵan, - dep habarlaidy Tengrinews.kz.
Burynǵy áskeri qyzmetker 3,6 jylǵa bas bostandyǵynan aiyrylǵan.
Sot materialdaryna sáikes, burynǵy áskeri qyzmetker mas kúide jáne dosynyń kóligin júrgizip kele jatyp, Saran qalasynyń turǵynyn qaǵyp ketken. Sondai-aq, soqtyǵysýdan keiin eki áskeri qyzmetshi de jedel járdem shaqyrýǵa asyqpaǵany anyqtaldy. Dárigerler men politsiiany oqiǵa ornyna kezdeisoq kelip qalǵan taksi júrgizýshisi shaqyrǵan. Ol jábirlenýshi kórshisi ekenin kórip qalǵan.
Sotta eki áskeri qyzmetker de kinásin moiyndamady. Olardyń biri marqumnyń ózi velosipedpen qarsy jolaqqa shyǵyp ketkenin aitty.
Is materialdary men jinalǵan dáleldemelerdi zerdelep, sot sottalýshyny QR QK-niń 345-1-baby 3-bóligi "Adamdardyń abaisyzda adam ólimine ákep soqqan JQE buzýy nemese kólik quralyn alkogoldik masań kúide paidalanýy" boiynsha kináli dep tanydy. Oǵan qaýipsizdigi barynsha tómen QAJ mekemesinde jazasyn óteýmen 3,6 jyl bas bostandyǵynan aiyrý jazasy taǵaiyndalǵan. Sondai-aq, odan marqumnyń ananyń paidasyna 10 million teńge mólsherinde moraldyq zalal jáne 1 million teńgeden asa mólsherde materialdyq ziian, sondai-aq advokattarǵa arnalǵan shyǵystar óndirip alynǵan.
Ekinshi áskeri qyzmetshi - azamattyq jaýapkerden marqumnyń anasynyń paidasyna 5 million teńge óndirilgen.
Eske salaiyq, oqiǵa 27 mamyrynda bolǵan edi. Er adam úiine velosipedpen qaityp bara jatqanda ony áskeri qyzmetshi qaǵyp ketken.
