Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministrligi men Qazaqstan Respýblikasynyń Densaýlyq saqtaý ministrligi koronavirýstyq infektsiianyń taralýyn baqylaý jáne juqtyrý oshaqtaryn ýaqtyly oqshaýlaý maqsatynda «Saqbol» mobildi qosymshasyn usyndy.
«Qosymsha habarlama fýnktsiiasyn iske qosý arqyly COVID-19 úshin oń nátije kórsetken azamatqa sońǵy 14 táýlik boiy eki metrden az qashyqtyqta jáne 15 minýttan astam ýaqyt ishinde qosymshanyń basqa paidalanýshylarymen bailanysy týraly jasyryn túrde eskertýge múmkindik beredi» - delingen QR Tsifrlyq damý jáne innovatsiialar jáne aeroǵarysh ónerkásibi ministrliginiń resmi saityndaǵy aqparatta.
Basqa qurylǵylarmen ózara is-qimyl jazbalaryn saqtaý úlgisi shifrlanǵan bolady, dep habarlaidy "Ult aqparat".
«Saqbol» qosymshasyn qoldanýǵa, birinshiden, smartfonǵa júktep, odan keiin shifrlanǵan derekter beriletin Bluetooth fýnktsiiasyn qosý kerek. Qosymsha IOS jáne Android-ta qoljetimdi.
Baǵdat Mýsinniń aitýynsha, qosymsha azamattardy juqtyrý qaýpi bar adamdar týraly ýaqtyly habardar etýge jáne infektsiianyń taralýyn edáýir azaitýǵa múmkindik beredi.
«Barlyq qazaqstandyqtardy osy qosymshany belsendi túrde paidalanýǵa, muqiiat jáne jaýapty bolýǵa shaqyramyn. Osylaisha, indet oshaqtaryn barynsha oqshaýlap, Covid-19- dyń taralýyna jol bermeimiz. Biz halyq aldyndaǵy jaýapkershilikti túsinemiz jáne barlyq jeke derekter qosymshada barynsha shifrlanǵan. Bul qosymsha paidalanýshylardyń basym túrde jasyryn bolýyn qamtamasyz etedi», - dep túsindirdi Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin.
«Qosymshanyń jumysy sol baǵdarlama ornatylǵan basqa qurylǵylarmen bailanysta bolǵan adamdardy jasyryn túrde izdeýge baǵyttalǵan. Ony paidalaný úshin tirkeý qajet emes. Baǵdarlama jeke derekterdi nemese ornalasqan jer týraly derekterdi jinamaidy jáne jibermeidi. Habarlandyrýdy iske qosqan kezde, baǵdarlama avtomatty jáne jasyryn túrde bul týraly basqa paidalanýshylarǵa habarlaidy. Osylaisha, osy qosymsha azamattardyń saqtyǵyn arttyrýǵa jáne juqtyrǵan adamdarmen bailanysy týraly ýaqytyly habardar etýge kómektesedi», - dep tolyqtyrdy Qazaqstan Respýblikasynyń Densaýlyq saqtaý ministri Aleksei Tsoi.
Habarlamany alǵan paidalanýshylar qosymshada Qazaqstan Respýblikasy Densaýlyq saqtaý ministrliginiń budan ári is-qimyldary týraly usynymdarymen tanysa alady.
Budan basqa, paidalanýshylarǵa yńǵaily bolý maqsatynda qosymshaǵa ózin-ózi anyqtaýdyń COVID-19, i-Doctor, i-Teka resmi bottary, sondai-aq Qazaqstan boiynsha COVID-19 ózekti statistikasy siiaqty servister biriktirilgen.
«Saqbol» qosymshasyn ázirleýshi «Ulttyq aqparattyq tehnologiialar» AQ bolyp tabylady.
