قازاقستان رەسپۋبليكاسىنىڭ تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ مەن قازاقستان رەسپۋبليكاسىنىڭ دەنساۋلىق ساقتاۋ مينيسترلٸگٸ كوروناۆيرۋستىق ينفەكتسييانىڭ تارالۋىن باقىلاۋ جەنە جۇقتىرۋ وشاقتارىن ۋاقتىلى وقشاۋلاۋ ماقساتىندا «Saqbol» موبيلدٸ قوسىمشاسىن ۇسىندى.
«قوسىمشا حابارلاما فۋنكتسيياسىن ٸسكە قوسۋ ارقىلى COVID-19 ٷشٸن وڭ نەتيجە كٶرسەتكەن ازاماتقا سوڭعى 14 تەۋلٸك بويى ەكٸ مەتردەن از قاشىقتىقتا جەنە 15 مينۋتتان استام ۋاقىت ٸشٸندە قوسىمشانىڭ باسقا پايدالانۋشىلارىمەن بايلانىسى تۋرالى جاسىرىن تٷردە ەسكەرتۋگە مٷمكٸندٸك بەرەدٸ» - دەلٸنگەن قر تسيفرلىق دامۋ جەنە يننوۆاتسييالار جەنە اەروعارىش ٶنەركەسٸبٸ مينيسترلٸگٸنٸڭ رەسمي سايتىنداعى اقپاراتتا.
باسقا قۇرىلعىلارمەن ٶزارا ٸس-قيمىل جازبالارىن ساقتاۋ ٷلگٸسٸ شيفرلانعان بولادى, دەپ حابارلايدى "ۇلت اقپارات".
«Saqbol» قوسىمشاسىن قولدانۋعا, بٸرٸنشٸدەن, سمارتفونعا جٷكتەپ, ودان كەيٸن شيفرلانعان دەرەكتەر بەرٸلەتٸن Bluetooth فۋنكتسيياسىن قوسۋ كەرەك. قوسىمشا IOS جەنە Android-تا قولجەتٸمدٸ.
باعدات مۋسيننٸڭ ايتۋىنشا, قوسىمشا ازاماتتاردى جۇقتىرۋ قاۋپٸ بار ادامدار تۋرالى ۋاقتىلى حاباردار ەتۋگە جەنە ينفەكتسييانىڭ تارالۋىن ەدەۋٸر ازايتۋعا مٷمكٸندٸك بەرەدٸ.
«بارلىق قازاقستاندىقتاردى وسى قوسىمشانى بەلسەندٸ تٷردە پايدالانۋعا, مۇقييات جەنە جاۋاپتى بولۋعا شاقىرامىن. وسىلايشا, ٸندەت وشاقتارىن بارىنشا وقشاۋلاپ, Covid-19- دىڭ تارالۋىنا جول بەرمەيمٸز. بٸز حالىق الدىنداعى جاۋاپكەرشٸلٸكتٸ تٷسٸنەمٸز جەنە بارلىق جەكە دەرەكتەر قوسىمشادا بارىنشا شيفرلانعان. بۇل قوسىمشا پايدالانۋشىلاردىڭ باسىم تٷردە جاسىرىن بولۋىن قامتاماسىز ەتەدٸ», - دەپ تٷسٸندٸردٸ قازاقستان رەسپۋبليكاسىنىڭ تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين.
«قوسىمشانىڭ جۇمىسى سول باعدارلاما ورناتىلعان باسقا قۇرىلعىلارمەن بايلانىستا بولعان ادامداردى جاسىرىن تٷردە ٸزدەۋگە باعىتتالعان. ونى پايدالانۋ ٷشٸن تٸركەۋ قاجەت ەمەس. باعدارلاما جەكە دەرەكتەردٸ نەمەسە ورنالاسقان جەر تۋرالى دەرەكتەردٸ جينامايدى جەنە جٸبەرمەيدٸ. حابارلاندىرۋدى ٸسكە قوسقان كەزدە, باعدارلاما اۆتوماتتى جەنە جاسىرىن تٷردە بۇل تۋرالى باسقا پايدالانۋشىلارعا حابارلايدى. وسىلايشا, وسى قوسىمشا ازاماتتاردىڭ ساقتىعىن ارتتىرۋعا جەنە جۇقتىرعان ادامدارمەن بايلانىسى تۋرالى ۋاقىتىلى حاباردار ەتۋگە كٶمەكتەسەدٸ», - دەپ تولىقتىردى قازاقستان رەسپۋبليكاسىنىڭ دەنساۋلىق ساقتاۋ مينيسترٸ الەكسەي تسوي.
حابارلامانى العان پايدالانۋشىلار قوسىمشادا قازاقستان رەسپۋبليكاسى دەنساۋلىق ساقتاۋ مينيسترلٸگٸنٸڭ بۇدان ەرٸ ٸس-قيمىلدارى تۋرالى ۇسىنىمدارىمەن تانىسا الادى.
بۇدان باسقا, پايدالانۋشىلارعا ىڭعايلى بولۋ ماقساتىندا قوسىمشاعا ٶزٸن-ٶزٸ انىقتاۋدىڭ COVID-19, i-Doctor, i-Teka رەسمي بوتتارى, سونداي-اق قازاقستان بويىنشا COVID-19 ٶزەكتٸ ستاتيستيكاسى سيياقتى سەرۆيستەر بٸرٸكتٸرٸلگەن.
«Saqbol» قوسىمشاسىن ەزٸرلەۋشٸ «ۇلتتىق اقپاراتتىق تەحنولوگييالار» اق بولىپ تابىلادى.
