Tokio Olimpiadasy oiyndarynan soń sportshylar jáne olardy jattyqtyrýshy bapkerlerdiń qatysýymen keńeitilgen otyrys ótedi. Bul týraly QR Mádeniet jáne sport ministrligi Sport jáne dene shynyqtyrý isteri komitetiniń tóraǵasy Serik Sápiev málim etti, dep habarlaidy QazAqparat.
«Ketken kemshiliktermen jumys mindetti túrde bolady. Bul máselede boksshylarmen qatar jattyqtyrýshylarmen de jumys jasaimyz. Jalpy biz bas bapkerdi taǵaiyndaǵanda oǵan bar jaýapkershilikti júkteimiz. Árine bapkerden bólek, sportshyǵa da bailanysty. Boksshylar Sáken Bibosynov sekildi alańǵa shyqqannan soń sońyna deiin kúresýi tiis. Iaǵni jattyǵý kestesi men rejimdi ázirlep jospar qurady, al sportshy soǵan sáikes tiisti deńgeide jattyǵyp, bar kúsh-jigerin salýy qajet», - dedi Serik Sápiev Ortalyq kommýnikatsiialar qyzmetinde onlain ótken baspasóz máslihatynda.
Komitet basshysy Olimpiada oiyndary aiaqtalǵan soń ony qorytyndylaýǵa arnalǵan jiynnyń ótetinin alǵa tartty.
«Ár Olimpiada oiyndary máresine jetken soń, sporshylar, jattyqtyrýshylar, Ulttyq Olimpiada komiteti, sport federatsiialary ókilderiniń qatysýymen keńeitilgen otyrys ótedi. Sol jerde másele keńinen qaralyp, qajet bolǵan jaǵdaida bas bapker men jattyqtyrýshylar qaita taǵaiyndalady. Osy joly da Tokio Olimpidasynan soń kezekti jiyn ótkizip, jiberilgen qatelik, kemshilikterdi qaraimyz», - dedi ol.
