Búgin Ortalyq kommýnikatsiialar qyzmetinde ótken onlain baspasóz máslihatynda tilshiler "elimizdiń Mádeniet jáne sport ministrliginen sportty bólip alatyn ýaqyt jetken joq pa" degen saýal qoidy, dep jazady "Ult aqparat".
Sport jáne dene shynyqtyrý isteri komitetiniń tóraǵasy Serik Sápievtiń sózinshe, bul óte jan-jaqty oilastyrylyp baryp sheshim qabyldaýdy qajet etetin kúrdeli másele.
«Qiyn suraq. Bul jerde ministrliktiń quzyretimen qatar, qarjy máselesi de retteýdi qajet etedi. Árine, eger basshylyq bólý kerek dep tapsa. Qazirgi tańda barlyq memlekettik organdarda qyzmetkerlerdi qysqartý júrip jatyr, sondyqtan bul másele tereń taldaýdy kerek etedi», - dep jaýap berdi Sápiev tilshiniń suraǵyna.
Sondai-aq, komitet basshysy buryn mádeniet pen sporttyń bólek bolǵanyn da alǵa tartty.
«Buryn sport ministrligi jáne agenttigi bolǵan. Degenmen ýaqyt óte kele basshylyq mádeniet pen sportty biriktirý qajet dep sheshti. Bizge qazir eki sala bólek bolǵan kezde jaǵdai qandai boldy, qazir qandai degen máseleni muqiiat zerdelep alý kerek», - deidi ol.
