Qorǵanys ministrliginiń injener-saper bólimsheleri Arysta qoima syrtyndaǵy aýmaqtardy tazalap bolyp, endi qoima aýmaǵyn tazalaý jumystaryn bastady. Áskeri qalashyqty qalpyna keltirý jumystary júrip jatyr, dep habarlaidy "Ult aqparat" QR Qorǵanys ministrliginiń baspasóz qyzmetine silteme jasap.
Apta saiynǵy sapary barysynda qorǵanys vedomstvosynyń basshysy qalashyqtaǵy jóndeý jumystarymen tanysyp, oryndalǵan jumystardyń nátijesi týraly baiandamalardy tyńdady. Qorǵanys ministri qoimany sapaly tazartý jáne jergilikti turǵyndardyń qaýipsizdigin qamtamasyz etý – basty mindet ekenin aitty ári qalpyna keltirý jáne joiý jumystaryna qatysty birneshe tapsyrmalar berdi.
Arysta áskeri qyzmetshiler tótenshe jaǵdai saldaryn joiyp jatyr. Oq-dárilerdiń bólshekterin izdep taýyp, kózin qurtýǵǵa injener-saper toptary jumyldyrylǵan. Qazirge deiin olar 150 myń bólshekti tapty. Búginge deiin saperlar 1 250,7 sharshy kilometr – Singapýrdyń jer kóleminen eki ese úlken aýmaqty tazalady.
Oq-dári bólshegi tabylǵan jerge baratyn jyljymaly top jergilikti turǵyndarmen birge jumys istep jatyr.
Qorǵanys ministrligi halyqtyń qaýipsizdigin qamtamasyz etý maqsatynda Arys qalasynyń turǵyndaryna oq-dárilerdiń bólshekteri men basqa da kúdikti zattardy tapqan kezde mobildi topqa shuǵyl habarlaýdy jáne óz betinshe eshqandai is-áreket jasamaýdy ótinedi.
