Tutynyp otyrǵan sý sapasyz, oǵan tóleitin somaǵa sáikes kelmese, turǵyndar óz quqyǵyn qalai talap ete alady? Ortalyq kommýnikatsiialar qyzmetinde QR Ulttyq ekonomika ministrligi Tabiǵi monopoliialardy retteý komiteti tóraǵasynyń mindetin atqarýshy Ashat Japsarbaiǵa osyndai suraq qoiyldy, dep habarlaidy QazAqparat.
«Sýdyń sapasy onyń tólemine sáikes kele bermeidi. Biraq esepteý quraly sapasyzdyǵyna qaramastan, sýdy tutyndy dep kórsetedi ári solai esepteidi. Tutynýshylar sapasyz sý úshin tarifti nege tolyq kólemde tóleýi kerek? Qyzmet kórsetýshi kompaniialar osy olqylyq úshin tarifti tómendete ala ma?», - dep surady BAQ ókili.
Ashat Japsarbaidyń bergen jaýabyna súiensek, komýnaldyq qyzmettiń sapasy baǵasyna sáies bolmasa, ony quzyrly organdar rastaýy kerek. Sonyń negizinde ǵana tutynýshylar qyzmet baǵasyn qaita belgileýdi italap ete alady.
«Qazaqstan Respýblikasynyń úlgilik sharttary boiynsha tutynýshylar sapaly qyzmet paidalanýy tiis. Eger tutynýshylar sapasyz qyzmet qabyldasa jáne quzyrly organdar sýdyń sapasyz ekenin anyqtaǵan bolsa, tutynýshylar ondai sapasyz berilgen qyzmet úshin tólemdi qaita esepteýdi talap etýge quqy bar», - dedi komitet tóraǵasynyń mindetin atqarýshy.
