2021 jyldyń 1-toqsanynyń sońyna deiin jer ýchaskesin alý úshin kezekke qoiýdy avtomattandyrý aiaqtalady. Bul týraly Úkimet otyrysynda QR Aýyl sharýashylyǵy ministri Saparhan Omarov aitty, dep habarlaidy "Ult aqparat".
«Jer qatynastary boiynsha el basshylyǵy halyqtyń jer resýrstaryna qoljetimdiligin qamtamasyz etý úshin birqatar naqty tapsyrmalar berdi.
Jer qatynastaryn basqarýdyń bazalyq quraly Memlekettik jer kadastrynyń avtomattandyrylǵan aqparattyq júiesi bolyp sanalady. Onda jer ýchaskeleri boiynsha elektrondyq formatta 6,5 mln málimet, onyń ishinde topyraqtyq, geobotanikalyq jáne aýyl sharýashylyǵy kartalary saqtalady. Halyqqa jer qatynastary salasynda kórsetiletin elektrondyq memlekettik qyzmetterdiń 15 túriniń 12-si osy júie arqyly kórsetiledi. Jer qatynastary salasyndaǵy ózekti problemalardyń biri jer ýchaskesin alý kezindegi kezekke qoiýdy tártipke keltirý bolyp otyr. 2021 jyldyń birinshi toqsanynyń sońyna deiin jer ýchaskesin alý úshin kezekke qoiýdy avtomattandyrýdy aiaqtaý josparlanýda», - dedi Saparhan Omarov.
Onyń aitýynsha, qazirgi ýaqytta Aýyl sharýashylyǵy ministrligi jerdi tsifrlandyrý máseleleri boiynsha Tsifrlyq damý, innovatsiialar jáne aeroǵarysh ónerkásibi ministrligimen birlesip jumys júrgizip jatyr.
«2020 jyldyń sońyna deiin 26 mln gektar alańda topyraqtyq, 25 mln gektar alańda geobotanikalyq, 6,5 mln gektar alańda aýyl sharýashylyǵy kartalary ázirlenetin bolady. 2021-2022 jyldary topyraqtyq jáne geobotanikalyq kartalarmen qamtýdy 40 mln gektarǵa deiin, aýyl sharýashylyǵy kartalarymen qamtýdy 33,2 mln gektarǵa deiin ulǵaitý josparlanǵan. Qazaqstan Respýblikasynyń agroónerkásiptik keshenin damytýdyń 2022 – 2026 jyldarǵa arnalǵan memlekettik baǵdarlamasyn ázirleý aiasynda tsifrlyq aýyl sharýashylyǵy kartalarymen búkil kólemdi qamtý josparlanǵan», - dedi ministr.
