QR Aýyl sharýashylyǵy ministrliginiń eks-basshysy Saparhan Omarov «Azyq-túlik kelisim shart korporatsiiasy» Ulttyq kompaniiasy» Aktsionerlik qoǵamynyń Basqarma tóraǵasy qyzmetine sailandy, dep habarlaidy "Ult aqparat" AShM resmi saityna silteme jasap.
«Saparhan Omarovtyń Qazaqstan Respýblikasynyń azyq-túlik qaýipsizdigin qamtamasyz etý jáne astyq salasyn damytý salasyndaǵy kópjyldyq nátijeli qyzmetin, sondai-aq astyqty memlekettik satyp alý júiesinde tabysty tájiribesin eskere otyryp, QR Aýyl sharýashylyǵy ministri mindetin atqarýshynyń biylǵy 28 shildedegi № 227 buiryǵymen QR Úkimetiniń kelisimine sáikes, Omarov Saparhan Kesikbaiuly «Azyq-túlik kelisim-shart korporatsiiasy «Ulttyq kompaniiasy» AQ Basqarma tóraǵasy laýazymyna sailandy», - delingen ministrlik saitynda.
Saparhan Omarov 1968 jyly 5 mamyrda dúniege kelgen.
1996 jyldan 2007 jylǵa deiin «Azyq-túlik kelisim shart korporatsiiasy» AQ-da qyzmet atqarǵan. Azyq-túlik korporatsiiasyndaǵy 11 jyl ishinde bólim bastyǵynan Vitse-Prezidentke deiin kóterildi. 2008-2011 jyldary QR Prezidenti Ákimshiliginiń memlekettik inspektory, 2011-2014 jyldary Respýblikalyq biýdjettiń atqarylýyn baqylaý jónindegi esep komitetiniń múshesi boldy. 2 jyl boiy Qazaqstan Respýblikasynyń Aýyl sharýashylyǵy Vitse-ministri bolyp eńbek etti.
2016 jylǵy 24 naýryzdan bastap QR Parlamenti Májilisiniń depýtaty bolyp sailanyp, Agrarlyq máseleler komitetiniń tóraǵasy boldy.
2019 jylǵy 25 aqpanda Aýyl sharýashylyǵy ministri bolyp taǵaiyndalyp, bul qyzmetten 2021 jyldyń 10 shildesinde bosatyldy.
«Parasat» jáne «Qurmet» ordenderimen, memlekettik mereitoilyq medaldarmen jáne 2010 jyly Qazaqstan Respýblikasy Tuńǵysh Prezidentiniń Alǵys hatymen marapattalǵan.
«Búgingi tańda Azyq-túlik kelisimshart korporatsiiasynyń aldynda aýyl sharýashylyǵy ónimderin forvardtyq satyp alýdy júrgizý mindetteri tur. Omarovtyń aýyl sharýashylyǵynda jinaqtalǵan tájiribesi oǵan Korporatsiia aldyna qoiylǵan mindetter men maqsattardy tiimdi oryndaýǵa múmkindik beredi», - dep atap ótilgen AShM saitynda.
Eske salaiyq, biylǵy 10 shilde kúni ótken Úkimettiń keńeitilgen otyrysynda Memleket basshysy Qasym-Jomart Toqaev óńirlerde oryn alǵan qýańshylyqta tiisti jumys atqarmaǵany úshin Aýyl sharýashylyǵy ministri Saparhan Omarov otstavkaǵa ketýi tiistigin aitqan bolatyn.
Sol kúni Prezidenttiń Jarlyǵymen ol atalǵan laýazymynan bosatyldy.
