Jambyl oblysynyń ákimi Berdibek Saparbaev birinshi apparat keńesin ótkizdi. Bul týraly "Ult aqparat" ákimdiktiń saityna silteme jasap habarlaidy.
«Eń basty talap – Memleket basshysynyń tapsyrmalaryn sapaly jáne ýaqytyly oryndaý. Ótken jyldyń qorytyndysy boiynsha oblys jaqsy áleýmettik-ekonomikalyq kórsetkishterge qol jetkizdi. Osy qarqyndy tómendetpeý kerek», - dep atap ótti óńir basshysy
Oblystyń áleýeti aitarlyqtai joǵary, alaida aǵymdaǵy jyldyń birinshi aiynda ónerkásip, qaita óńdeý, investitsiia tartý siiaqty salalarda tómendeýge jol berilgen. Igerilgen qarajattyń kólemi boiynsha aitarlyqtai artta qalýy baiqalǵan. Osy baǵytta biýdjettik baǵdarlamalardyń oryndalý boiynsha jumystardy kúsheitý qajet. Aimaq basshysy birinshi toqsannyń qorytyndysy ótken jyldyń nátijesinen kem bolmaýy tiis ekenin basa aitty.
Jumyssyzdyq deńgeii-4,8 paiyzdy qurasa, ol respýblikalyq ortasha mánniń deńgeiinde. Biraq bul rette oblysta ózin-ózi jumyspen qamtyǵandardyń sany áli de kóp. Sondyqtan «Qazfosfat» JShS jáne «Evrohim» siiaqty jergilikti ónerkásiptiń alyptarymen tyǵyz jumys isteý, óńirge iri otandyq jáne sheteldik investorlardy tartý qajet.
Oblys aýmaǵy arqyly úsh iri gaz qubyry ótedi desek, bul óńirdegi eldi mekenderdi gazdandarýda zor múmkindik beredi. Jiyndy osy jaitqa nazar aýdara kele, oblys ákimi Amangeldi gaz ken ornynyń da qarqyndylyǵyn arttyrý úshin salalyq ministrliktiń kómegimen aýqymdy geologiialyq barlaý jumystaryn júrgizý qajettigin jetkizdi.
Jambyl óńiri agrarlyq aimaq bolyp tabylady. Sondyqtan aýyl sharýashylyǵyn ilgeriletý oblystyń jalpy damýyna yqpal eteri sózsiz. Qazir sýarmaly jerlerdiń kólemin ulǵaitý boiynsha memlekettik qoldaý az emes, sony keńinen paidalaný jáne olardy paidalaný tiimdiligin arttyrý qajet.
Basqosý barysynda egistikterdi ártaraptandyrý, rentabeldi daqyldarǵa, maily daqyldarǵa kóbirek kóńil bólý, jergilikti qant zaýyttaryn odan ári júktemesin arttyrý úshin qant qyzylshasynyń kólemin ulǵaitý mańyzdylyǵy da aityldy. Kún tártibinde kóterilgen máselelerdiń biri – kóktemgi egis jumystaryna daiyndyq, aýyl sharýashylyǵy tehnikasyn ýaqytynda daiyndaý, joǵary sapaly tuqym satyp alý jáne otyrǵyzý boldy.
Berdibek Saparbaev aýyl turǵyndarynyń turmystyq tabysyn arttyrý pilottyq jobasynyń mindetti túrde óz jalǵasyn tabatyndyǵyn, ol bastapqy qarqynynyń tómendemeýin basa aitype, jaýaptylarǵa naqty tapsyrmalar júktedi.
«Aýyl turǵyndary jyl boiy jumyspen qamtylyp, egin sharýashylyǵymen de, mal sharýashylyǵymen de ainalysýy kerek. Bul oraida pilottyq jobaǵa bólingen 7,2 milliard teńge tolyq kólemde igerilýi tiis. Biz jobanyń ómirsheńdigin kórsetýimiz kerek, bul aldaǵy ýaqytta qarjylandyrý kólemin ulǵaitýǵa jáne kóp adamdardyń materialdyq jaǵdaiyn jaqsartýǵa múmkindik beredi», - dep atap ótti oblys basshysy.
Aita ketý kerek, Jambyl óńiri óz-ózin kókónister men jemistermen, ásirese maýsymaralyq kezeńde tolyǵymen qamtamasyz etý úshin áleýeti jetedi. Bul oraida kóterme-taratý ortalyqtary jaqsy jumys isteitin Qaraǵandy oblysynyń tájiribesine súiene bilý kerektigi nazar aýdaryldy.
Halyqaralyq áýejaiǵa ie bola otyryp, tek ishki qazaqstandyq baǵyttar boiynsha ǵana emes, elaralyq áýe qatynastarynyń sanyn birneshe ese ulǵaitý qajet.
Sondai-aq, áleýmettik-mádeni nysandardyń qurylysy tiisti deńgeide júrgizilýde desek, bul úrdis óz deńgeiinde jalǵastyrylmaq. Bilim berý salasynda apatty jáne úsh aýysymdy mektepterdi joiý úshin 17 mektep ashý qajet.
Sonymen qatar, taýar ainalymyn ulǵaitý úshin oblystyń tranzittik áleýetin keńinen paidalanǵan jón, balamaly energetika salasynda alty stantsiianyń qurylysyn aiaqtaý jáne KES, JES-terden alynatyn elektr energiiasynyń jiyntyq qýatyn 400 mVt-qa deiin jetkizý kózdelýde.
Jiynda jambyldyqtardyń tabys deńgeiin arttyrý, salyq salý bazasyn ulǵaitý, mindetti meditsinalyq saqtandyrý júiesin engizý, jalaqy boiynsha bereshekterdi joiý, meditsinalyq qyzmet sapasyn arttyrý, densaýlyq saqtaýdaǵy biýrokratiia deńgeiin tómendetý, jastardy rýhani-adamgershilik tárbieleý, ata-analar men mektep arasyndaǵy bailanysty nyǵaitý siiaqty ózekti máseleler de jan-jaqty kóterilip, saralandy.
Keńesti qorytyndylai kele, Berdibek Saparbaev jaýapty memlekettik organdar Qordai aýdanynda bolǵan oqiǵalardan qorytyndy shyǵarý kerektigin atap ótti.
«Bul jaǵdai bizge sabaq bolý kerek. Osy sekildi qaiǵyly oqiǵalar aldaǵy ýaqytta qaitalanbas úshin tiisti sheshim shyǵara bilýimiz qajet. Memlekettik organdar, jurtshylyq pen intelligentsiia óz kúsh-jigerin biriktirip, qoǵamdaǵy birlik pen kelisimdi saqtaý boiynsha jumys júrgizýi tiis», - dep túiindedi ol.
