Eńbek jáne halyqty áleýmettik qorǵaý ministri Berdibek Saparbaev jyl saiyn jalaqy kem degende infliatsiia deńgeiinde kóbeiip otyrýy kerek ekenin málimdedi, dep habarlaidy Sputnik Qazaqstan tilshisi.
"Kelesi másele – eń tómen jalaqy alatyn qyzmetkerlerdiń eńbekaqysyn kóbeitý. Qazirgi tańda 184 myń kásiporynda 958 myń qyzmetkerdiń jalaqysy ósti. Endigi mindet – ákimshiliktermen, kásipodaq, jumys berýshilermen birigip, osy jumysty jalǵastyrý. Jalaqy jyl saiyn eń kem degende infliatsiianyń deńgeiinde kóbeitilýi kerek. Biz endi jappai qysqartýǵa jol bermeýimiz kerek", - dedi Saparbaev úkimette eńbek qatynastaryn retteý sharalary qaralǵan otyrysta.
Ministr biyl prezidenttiń tapsyrmasymen eń tómengi jalaqy 42 500 teńgege deiin kóterilgenin eske saldy.
"Qazirgi tańda elimizde ortasha jalaqy 176 myń teńge (jaldamaly jumyskerlerdiń jalaqysy) bolyp esepteledi", - dedi ol.
