Jambyl obylysynyń ákimi Berdibek Saparbaev óńirdegi ultaralyq qarym-qatynas máselesine jiti nazar aýdarylyp otyrǵanyn málim etti, dep habarlaidy "Ult aqparat".
«Balalar bala bolǵannan keiin bir-birimen kelispei, tóbelesip qalýy múmkin. Qazir ondaiǵa «ananyń ulty kim, mynanyń ulty kim?» dep birden qaraimyn. Ol balalar bala bolǵannan keiin bir saǵattan keiin qaita tatýlasady. Sondyqtan biz osyndai kishkentai máselelerge ulttyq qarym-qatynastyń máselesi retinde qaramaýymyz kerek. Qazaq pen dúngen, túrik pen ázerbaijan tóbelesip qaldy demeýimiz kerek», - dedi Jambyl obylysynyń ákimi Ortalyq kommýnikatsiialar qyzmetinde ótken baspasóz máslihatynda.
Sonymen qatar Berdibek Saparbaev kontrabandalyq qylmystarǵa basqa ulttyń ókilderiniń qatysy bar degen pikir de durys emes.
«Árine, qylmys bar. Qyrǵyz Respýblikasynan kelip jatqan kontrabanda bar. Ol jerde quqyq qorǵaý organdary, qaýipsizdik departamentiniń qyzmetkerleri talai adamdardy ustap, talai qylmystyq isti qozǵady. Ol jumys ary qarai jalǵasyn tabady. Qylmyskerdiń aty qylmysker. Ony ultyna qarap bólýge bolmaidy. Ol zańǵa sáikes jaýap berýi kerek», - dep túidi Berdibek Saparbaev.
