Aqtóbe oblysynyń ákimdiginde Elbasy Nursultan Nazarbaevtyń: «Qazaqstannyń Úshinshi jańǵyrýy: jahandyq básekege qabilettilik» atty Joldaýynyń negizgi baǵyttaryn túsindirýge arnalǵan oblys aktivi ótti.
Aita keteiik, búgin óńirde Ult kóshbasshysynyń Qazaqstan halqyna Joldaýyn túsindirý boiynsha is-sharalardyń jospary bekitilgen bolatyn.
Sharaǵa oblys ákimi Berdibek Saparbaev, Prezident ákimshiliginiń bas inspektory Shalqar Baibek, oblystyq jáne qalalyq máslihat depýtattary, memlekettik organdardyń, mekemeler men kásiporyndardyń, qoǵamdyq birlestikterdiń jáne t.b. basshylary qatysty.
-Sońǵy jeti kúnde memleket basshysy Qazaqstan halqyna eki ret sóz arnady. Alǵashqy mańyzdy qujat — Úndeýde Nursultan Ábishuly prezidenttik ókilettginiń keibir tarmaqtaryn Úkimet pen Parlamentke beretinin jetkizgen bolatyn. Búgin Prezident «Qazaqstannyń úshinshi jańǵyrýy: jahandyq básekelestik qabilettilik» atty Joldaýyn arnady. Sizder Qazaqstannyń zor tabysqa Prezidenttiń saiasi jigeriniń arqasynda jetkenin bilesizder. Bul Joldaý burynǵylarynan ózgerek, óitkeni bul qujat negizinen elimizdiń básekelestikke qabilettiligin arttyrýǵa, jańa tehnologiialar men innovatsiialardy engizýge baǵyttalǵan,-dedi Berdibek Saparbaev.
Aktiv kezinde «Qazaqstannyń Úshinshi jańǵyrýy: jahandyq básekege qabilettilik» atty Joldaýynyń negizgi baǵyttary túsindirildi. Oblys ákimi Memleket basshysy aitqan aýqymdy tapsyrmalardy júzege asyrý joldary men strategiialyq qujattyń negizgi basymdylyqtaryn aitty.
Berdibek Saparbaev Memleket basshysynyń tapsyrmasyn oryndaý maqsatynda óńirde geologiialyq barlaý jumystary kúsheitiletinin jetkizdi. Ónimdi qaita óńdeý deńgeiin joǵarylatatyn aýyl sharýashylyq kooperativterin qurý jumystary jalǵasatyn bolady. Búginde 104 kooperativ bar bolsa, jýyrda ár aýdanda sút pen et óńdeý tsehy jumys jasaidy dep josparlanýda.
- Aýyl sharýashylyǵynyń ár salasyna jańa tehnologiialardy engizip, sýarmaly jerlerdiń aýmaǵyn ulǵaitý qajet. 2015 jyly sýarmaly jerlerdiń kólemi 12 gektardy qurasa, 2016 jyly 18 300 gektarǵa keńeidi. Budan ózge, 19 500 gektar sýarmaly jerdi qaita qalpyna keltirý úshin jobalyq-smetalyq qujattama jasaldy.
Berdibek Saparbaev Memleket basshysynyń azyq-túlik taýarlaryn eksporttaýdy ulǵaitý, «Nurly jer» turǵyn úi baǵdarlamasy men jumyspen qamtý jáne jappai kásipkerlikti damytý baǵdarlamasyn tiimdi júzege asyryp, úlken qalalar men olarǵa jaqyn ornalasqan eldi mepkender arasyndaǵy kólik qatynasyn, memlekettik-jeke seriktestikti damytý, bilim sapasyn jaqsartyp, úshtildilikti damytý jáne t.b. úshin oblys bar kúshin salatynyn basa aitty.
Shara kezinde Prezident Joldaýyn qoldap, ony júzege asyrý úshin oblys halqyn shaqyrǵan qoǵamdyq uiymdardyń basshylary, oblystyq máslihat depýtattary da sóz sóiledi.
Oblys ákimi: «Prezident Joldaýyn búginnen bastap oryndaý úshin barlyq sharalardy qolǵa alý kerek»,-degen tapsyrma qoidy.
Aqtóbe oblysy ákiminiń baspasóz qyzmeti
