Eńbek jáne halyqty áleýmettik qorǵaý ministri Berdibek Saparbaev 1 shildeden bastap boljam boiynsha bir million qazaqstandyqtyń jalaqysy kóteriletinin aitty. Bul týraly ol Úkimet úiinde ótken baspasóz máslihatynda málimdedi.
"Eń tómengi jalaqy alatyn biýdjettik salada jumys isteitin qyzmetkerlerdiń jalaqysy shildeden bastap 30% ósetin bolady. Bul negizinen mádeniet, bilim, densaýlyq, sport salalary. Boljam boiynsha eń keminde 1 mln jýyq qazaqstandyqtardyń jalaqysy kóbeietin bolady. Onymen qosa eńbek ótiline bailanysty birinshi-segizinshi razriady bar eń tómengi jumys isteitinderdiń de jalaqylary 30% kóbeied", - dedi Saparbaev.
Ministr aýyl, aýdan, qalalyq, oblys ákimshilikterinde jumys isteitin tómengi jalaqy alatyn azamattardyń da jalaqysy 25% kóbeietinin málimdedi. Osy arqyly eń keminde 77 myń adamnyń jalaqysy kóbeiedi. Barlyq jalaqyny kóterýge biýdjetten aqsha qaralady.
