Bilim jáne ǵylym ministri Ashat Aimaǵambetov statistika men kórsetkishter «báigesiniń» saldarynan mektepterdegi kompiýterlerdiń eskirip bara jatqanyn málim etti, dep habarlaidy "Ult aqparat".
«Búgingi kúni statistikaǵa súiensek, mektepterde kompiýter kóp sekildi kórinedi. Biraq olardyń sany bar, sapasy joq. Óitkeni kompiýterdiń kóbi eski. 2000-2005 jyldary alynǵan kompiýterler de bar. Biraq olar eshqaida syzyp tastap, jiberilmeidi. Nelikten? Óitkeni bizge statistika men kórsetkishterge súiený kerek. Sondyqtan zańnama boiynsha bes jyldyq merzimdi ǵana qarastyryp, bekitsek jón bolady. Bes jyldan beri qoldanylyp júrgen kompiýterlerdi qarap, eskilerin statitistikaǵa qospaýymyz kerek. Ondai kózboiaýshylyqtyń eshkimge keregi joq», - dedi Ashat Aimaǵambetov Bilim jáne ǵylym ministrliginiń apparattyq otyrysynda.
Ministr sonymen qatar mektepterge Wi-fi qosý jumysy da baiaý júrgizilip jatqanyn jetkizip, máseleni baqylaýǵa alýǵa tapsyrdy.
Aita ketsek, buǵan deiin Ashat Aimaǵambetov mektepterge internet qyzmetin qosatyn provaiderlerdiń qyzmetin synǵa alǵan bolatyn. Ministrdiń aitýynsha, mektepterge internet qyzmetin qosatyn provaiderdiń tarifi óte qymbat.
