Áleýmettik jelilerde "Aport" saýda ortalyǵy men "Altyn Orda" bazary mańyna kóp adam jinalǵany túsirilgen video jariialandy. Almaty oblysynyń Sanitarlyq-epidemiologiialyq baqylaý departamenti jaǵdaiǵa qatysty pikir bildirdi, - dep habarlaidy Tengrinews.kz.
Áleýmettik jelilerde "Aport" saýda ortalyǵy men "Altyn Orda" bazaryndaǵy avtoturaqta qujynaǵan halyq júrgeni túsirilgen video jariialandy. Pikir jazýshylar Almatyda iri saýda nysandary jumysyna tyiym salynǵanyna qaramastan, qala turǵyndary osy jerlerge kelip, karantin normalaryn buzyp júrgenine narazy.
Keibiri mundai kóp adam jinalý sebebi, balalarǵa mektep formasyn alý naýqanyna bailanysty ekenin jazǵan.
Osy saýda nysandary ornalasqan Almaty oblysynyń Sanitarlyq-epidemiologiialyq baqylaý departamenti málimetinshe, óńir "qyzyl" aimaqta ornalasqanyna qaramastan, eldiń bas sanitariia dárigeriniń sońǵy qaýlysyna sáikes Ashyq kóshbasshylaryna "sary" aimaq sharttary boiynsha jumys isteýge ruqsat berilgen. Almaty oblysynyń bas sanitariia dárigeri olar úshin karantin sharalaryn kúsheite almaitynyn aitty.
Bul rette "Aport" saýda ortalyǵy men "Altyn Orda" bazary Qarasai aimaǵyndaǵy Ashyq "kóshbasshylary" sanalady.
Aýdan ákimdigi bul jaǵdaidan habardar ekenin jáne "Altyn Orda" aimaǵynda jinalǵan halyqty baqylaǵanyn aitty. Degenmen, olar demalys kúnderi jumys istegen bazar men "Aport" saýda ortalyǵynyń jumysyn teksermegenin aitty.
"Ol jerdi tekserip, barlyq kelýshige aiyppul salý arqyly saýda nysandaryna barǵysy keletinderdi toqtata almaimyz. Demalys kúnderi "Aport" saýda ortalyǵynyń aldyndaǵy avtoturaq shynymen de toly boldy. Basshylyqpen sóilesip kelýshilerdi betperdesiz kirgizbeý kerek ekenin, sanitarlyq talaptardy saqtaý kerek ekenin aitamyz", - dedi Qarasai aýdany ákimdiginiń baspasóz qyzmetindegiler.
