2018-2023 jyldarǵa arnalǵan ulttyq halyq sanaǵyn qarjylandyrýdyń qajetti kólemi 9,1 mlrd teńge. Ulttyq statistika biýrosynyń basshysy Nurbolat Aidapkelov Úkimet otyrysynda osy qarajattyń qalai jumsalyp jatqanyn baiandady, dep habarlaidy QazAqparat.
«Halyq sanaǵyn ótkizý kezinde búkil el boiynsha 32 313 adam ýaqytsha jumysqa ornalastyrylady. Onyń ishinde 6 myńnan astamy maýsym aiynda daiyndyq kezeńine tartylǵan. Negizgi halyq sanaǵyna 26 135 sanaq personaly jumysqa tartylady. Óńirlerde interviýerlerdi jumysqa arnaiy qurylǵan komissiia tartady. Jumysqa vaktsinatsiiadan ótken azamattar alynady jáne olar jeke qorǵanysh quarldarymen jabdyqtalady», - degen biýro basshysy sanaq jumystaryna bólingen qarajattyń qysqasha esebin berdi.
«2018-2023 jyldarǵa arnalǵan ulttyq halyq sanaǵyn qarjylandyrýdyń qajetti kólemi 9,1 mlrd teńgeni qurady. Onyń jartysynan kóbi – 4,07 mlrd teńgesi eńbekaqyǵa baǵyttalady. Qazirgi ýaqytta 3,5 mlrd teńge igerildi», - dedi Nurbolat Aidapkelov.
