«Samuryq-Qazyna» UÁQ» AQ-da Sybailas jemqorlyqqa qarsy is-qimyl agenttigi tóraǵasy Alik Shpekbaev pen qordyń tóraǵasy Ahmetjan Esimovtiń qatysýymen «Adaldyq alańy» jobalyq keńsesiniń ashylýy ótti, dep habarlaidy "Ult aqparat".
Jobalyq keńse sybailas jemqorlyq alǵysharttaryn joiý, parasattylyq ideologiiasyn ilgeriletý jáne qor kompaniialary tobynyń korporativtik basqarýyndaǵy qoǵamdyq baqylaýdy kúsheitý maqsatynda qurylǵan.
Memleket basshysy «Samruk Business Forum» otandyq kásipkerlerdi qoldaý forýmy barysynda Qor nysandaryn 2025 jylǵa deiin tiimdi jáne ashyq jekeshelendirýdiń mindetti quraly retinde qoǵamdyq baqylaýdy atap ótti.
Birlesken is-sharalardy talqylaý barysynda A.Esimov qor memlekettiń sybailas jemqorlyqqa qarsy saiasatyn iske asyrýǵa belsendi qatysyp, sybailas jemqorlyq táýekelderine ushyraityn barlyq biznes protsesterge egjei-tegjeili taldaý júrgizetinin atap ótti. Holding osy salada úlken tájiribe jinaqtady.
Qor basshysy atap ótkendei, satyp alýlar árqashan eń sybailas jemqorlyq salasy bolyp sanaldy. Qabyldaǵan sharalar boiynsha atalǵan táýekelderdi edáýir tómendetýge múmkindik berildi.
Qazirgi ýaqytta «Samuryq-Qazyna» tobynyń barlyq satyp alýlary biryńǵai elektrondyq júiede ashyq túrde júzege asyrylady, bul tapsyrys berýshi men ónim berýshiniń tikelei bailanysyn boldyrmaidy. Kez kelgen adam satyp alý josparlarymen, tenderler qorytyndylarymen jáne jasalǵan sharttarmen tanysa alady.
«Bir kózden satyp alýdy ótkizý úshin barlyq negizder túbegeili qaita qaraldy. Osynyń esebinen tek sońǵy jyldary bir kózden satyp alý 5 ese qysqaryp, básekeli satyp alý sany 6 esege artty. Bul biznes úshin olardyń ashyqtyǵyn qamtamasyz ete otyryp, básekelestik ortany edáýir keńeitýge múmkindik berdi» - dedi A.Esimov.
2020 jyldyń basynan bastap sharttarǵa elektrondyq túrde qol qoiýǵa múmkindik beretin optsiia engizilgenin atap ótken jón. Sondai-aq, oryndalǵan jumystardyń aktilerine qol qoiýdyń elektrondyq nysany men elektrondyq ótinishter modýli engizildi, bul tenderge qatysýshylarǵa buzýshylyqtar týraly ótinishterdi Qorǵa onlain rejimde jiberýge múmkindik beredi.
«Samuryq-Qazyna» AQ tóraǵasy Qor úshin mańyzdy mindetterdiń biri – joǵary bilikti mamandardy ashyq jaldaýdy qamtamasyz etý ekenin atap ótti. Bul úshin kandidattardy irikteýdiń, sonyń ishinde táýelsiz testileý men jeke qasietterin baǵalaýdyń kópsatyly júiesi engizildi.
Budan basqa, qorda túrli mamandyqtar boiynsha otandyq joǵary oqý oryndarynyń úzdik stýdentterin irikteýge múmkindik beretin «Jas órken» jáne «Tsifrlyq jaz» baǵdarlamalary tabysty jumys isteidi. Osy sharalardyń nátijesinde 2020 jyly kadrlardyń aýysýy aldyńǵy jylmen salystyrǵanda eki ese azaidy.
Óz kezeginde, Antikor basshysy A.Shpekbaev qordyń «Adaldyq alańy» jobalyq keńsesi aiasynda sybailas jemqorlyqqa qarsy mańyzdy ózgeristerdi bastaýǵa jáne parasattylyqty nasihattaýǵa umtylysyn oń baǵalady.
«Samuryq-Qazyna» Ulttyq ál-aýqat qory» «Adaldyq alańy» jobasynyń tájiribesin qabyldaǵan qazigossektor sýbektileriniń arasynda alǵashqylardyń biri bolyp tabylady jáne bul qor basshylyǵynyń korporativtik parasattylyq qaǵidattaryn ustanýynyń dáleli bolyp tabylady. Ony kúsheitý úshin aldyn-ala vedomstvolyq júieni qurý óte mańyzdy. Budan basqa, sybailas jemqorlyqtyń aldyn alýdyń jáne korporativtik parasattylyq standarttarynyń saqtalýyn baqylaýdyń pármendi tetigi Qor 2017 jyldan bastap engizgen sybailas jemqorlyqqa qarsy táýelsiz komplaens-qyzmetter, sondai-aq pysyqtalyp jatqan ISO 37001 sybailas jemqorlyqqa qarsy standarty bolyp tabylady. Sybailas jemqorlyqtyń aldyn alý jónindegi tiimdi shara qoǵamdyq keńester qurý, satyp alý jónindegi komissiialarǵa qoǵam ókilderin qosý, enshiles uiymdarda sybailas jemqorlyqqa qarsy komplaens-qyzmetterdi ashý jáne olardy korporativtik ýniversitette oqytý bolady. Sondai - aq, kvazimemlekettik sektor sýbektileriniń sybailas jemqorlyq úshin satyp alýlar men jobalyq qarjylandyrýǵa jaýapty tulǵalardyń sheńberin keńeitilgenine nazar aýdaramyn», - dep atap ótti A.Shpekbaev.
Is-shara sońynda taraptar sybailas jemqorlyqqa qarsy is-qimyl boiynsha yntymaqtastyq týraly memorandýmǵa qol qoidy.
