«Samuryq-Qazyna» ulttyq ál-aýqat qory kirisiniń bir bóligin «Qazaqstan halqyna» qoǵamdyq qoryna aýdarady. Bul týraly Memleket basshysy Qasym-Jomart Toqaev Joldaý barysynda aitty, - dep habarlaidy "Ult aqparat".
«Samuryq-Qazyna» qory taza paidasynyń keminde 7 paiyzyn «Qazaqstan halqyna» qoǵamdyq qoryna aýdaratyn bolady. Bul – Jańa Qazaqstannyń sipatyna sai keletin mańyzdy bastama. Sondai-aq, tabysy mol kásipkerler men azamattar qorǵa demeýshilik kórsete beredi dep senemin», - dedi Prezident.
Sondai-aq Joldaýda «Samuryq-Qazyna» qorynyń majoritarly investorǵa ainalatyny aityldy.
«Buǵan deiin aitylǵandai, memleket óziniń ekonomikaǵa aralasýyn birtindep azaita beredi.
«Samuryq-Qazyna» qory ekonomikanyń basty salalaryna baqylaý jasaýǵa ǵana múmkindik beretin majoritarly úlesi bar investorǵa ainalady. Qordyń basqa aktivteri men aktsiialaryn jekeshelendirý kerek. Ony júzege asyrýǵa «Halyqtyq IRO» tásilin de qoldanýǵa bolady.
«Samuryq-Qazyna» qory jeke investorlar derbes júzege asyra almaityn asa mańyzdy jobalarǵa investor retinde qatysa alady. Mundai jobalardy Prezident anyqtaidy» - dedi Memleket basshysy.
