«سامۇرىق-قازىنا» ۇلتتىق ەل-اۋقات قورى كٸرٸسٸنٸڭ بٸر بٶلٸگٸن «قازاقستان حالقىنا» قوعامدىق قورىنا اۋدارادى. بۇل تۋرالى مەملەكەت باسشىسى قاسىم-جومارت توقاەۆ جولداۋ بارىسىندا ايتتى, - دەپ حابارلايدى "ۇلت اقپارات".
«سامۇرىق-قازىنا» قورى تازا پايداسىنىڭ كەمٸندە 7 پايىزىن «قازاقستان حالقىنا» قوعامدىق قورىنا اۋداراتىن بولادى. بۇل – جاڭا قازاقستاننىڭ سيپاتىنا ساي كەلەتٸن ماڭىزدى باستاما. سونداي-اق, تابىسى مول كەسٸپكەرلەر مەن ازاماتتار قورعا دەمەۋشٸلٸك كٶرسەتە بەرەدٸ دەپ سەنەمٸن», - دەدٸ پرەزيدەنت.
سونداي-اق جولداۋدا «سامۇرىق-قازىنا» قورىنىڭ ماجوريتارلى ينۆەستورعا اينالاتىنى ايتىلدى.
«بۇعان دەيٸن ايتىلعانداي, مەملەكەت ٶزٸنٸڭ ەكونوميكاعا ارالاسۋىن بٸرتٸندەپ ازايتا بەرەدٸ.
«سامۇرىق-قازىنا» قورى ەكونوميكانىڭ باستى سالالارىنا باقىلاۋ جاساۋعا عانا مٷمكٸندٸك بەرەتٸن ماجوريتارلى ٷلەسٸ بار ينۆەستورعا اينالادى. قوردىڭ باسقا اكتيۆتەرٸ مەن اكتسييالارىن جەكەشەلەندٸرۋ كەرەك. ونى جٷزەگە اسىرۋعا «حالىقتىق ٸرو» تەسٸلٸن دە قولدانۋعا بولادى.
«سامۇرىق-قازىنا» قورى جەكە ينۆەستورلار دەربەس جٷزەگە اسىرا المايتىن اسا ماڭىزدى جوبالارعا ينۆەستور رەتٸندە قاتىسا الادى. مۇنداي جوبالاردى پرەزيدەنت انىقتايدى» - دەدٸ مەملەكەت باسشىسى.
