QR Prezidenti Qasym-Jomart Toqaevtyń Úkimettiń keńeitilgen otyrysynda aitqan synynan keiin «Samuryq-Qazyna» qorynyń missiiasy qaita qaralatyn boldy. Bul týraly Ulttyq ekonomika birinshi vitse-ministri Timýr Jaqsylyqov Úkimet otyrysynda málim etti, dep habarlaidy QazAqparat.
«Kvazimemlekettik sektordyń rólin qaita qaraý sheńberinde memlekettik menshikti basqarýdy jetildirý jáne «Samuryq-Qazyna» qoryn reformalaý boiynsha jumys júrgizilip jatyr. Osy baǵyt boiynsha memleket qatysýynyń naqty ólshemi kvazimemlekettik sektor sýbektileriniń jańa synyptamasy, sondai-aq korporativtik basqarýdyń jańa uiymdastyrýshylyq nysandary men modelderi aiqyndalady», - dedi ol.
Aitýynsha, «Samuryq-Qazyna» budan bylai jeke investitsiialardy tartýǵa kóbirek kóńil bólýge tiis.
«Samuryq-Qazyna» qorynyń missiiasy jeke investitsiialardy tarta otyryp, júie quraýshy jobalarǵa belsendi ortaq investitsiialarǵa basa nazar aýdaryp, qaita qaralady», - dedi vitse-ministr.
Aita ketý kerek, keshe ótken Úkimettiń keńeitilgen otyrysynda Memleket basshysy Qasym-Jomart Toqaev «Samuryq-Qazyna» qorynyń jumysyn synǵa alǵan edi.
