«Samuryq-Qazyna» ulttyq ál-aýqat qorynyń barlyq portfeldik kompaniialaryndaǵy qyzmetkerlerdiń 75% jýyq qyzmetkerleri koronavirýsqa qarsy vaktsina saldyrdy. Bul týraly búgin onlain-brifingte Qordyń korporativtik basqarý jáne áleýmettik-eńbek qatynastary jónindegi basqarýshy direktory Muhtar Mankeev málim etti, dep habarlaidy QazAqparat.
«Búgingi kúnniń basty taqyryby árine, koronavirýsqa qarsy kúres sharalary men vaktsina máselesi. Osyǵan qatysty naqty aqparat aitsaq, qazirgi tańda Qorda jumys isteitin qyzmetkerlerdiń sany 275 myńǵa jýyq adam, sonyń ishinde, 203 853 adam nemese qyzmetkerlerdiń 74,5% koronavirýsqa qarsy vaktsinanyń birinshi komponentin aldy. Ekinshi komponentin 182 myń adam nemese qyzmetkerlerdiń 66,6% alyp otyr», - dep habarlady Mankeev.
«Samuryq-Qazyna» qoryna qarasty porfeldi kompaniialardyń kóbi óndiriste jumys isteitinin atai kele, Mankeev eń aldymen óndiristegi qyzmetkerler ekpe alǵanyn habarlady.
«Birinshi orynda biz óndiristegi qyzmetkerlerdi vaktsinaladyq. Óitkeni, bizdiń kompaniialardyń óndirisi eldiń ekonomikasyna aitarlyqtai zor úles qosyp otyr. Ózderińiz biletindei, qazir Qazaqstan ekonomikasy pandemiiadan keiin qaita qalpyna kelip jatyr, sondyqtan, biz úshin óndiristi toqtatpaý mańyzdy. Kerek bolǵan jaǵdaida, biz óndiris oryndarynda mobildi vaktsinatsiialaý núktelerin ashtyq», - deidi Mankeev.
Sonymen qatar, brifingte belgili bolǵandai, vaktsinatsiialaý úlesin arttyrý úshin qazir vokzaldar men poiyzdarda ja mobildi pýnkterin uiymdastyrý qarastyrylyp jatyr.
Mankeev sondai-aq, «Samuryq-Qazyna» qory óz ishinde ǵana emes, búkil Qazaqstan boiynsha vaktsina saldyrý naýqanyna qandai úles qosyp jatqanyn atap ótti.
«Memleket basshysynyń tapsyrmalaryn oryndaý aiasynda, halyqqa egý preparattaryn qoljetimdi etý úshin Qor BAÁ shyǵarǵan Hayat-Vax vaktsinasynyń 1 mln dozasyn satyp alýǵa qarjy bóldi. Ony biylǵy jyldyń mamyr aiynda SK-Farmatsiia jetkizip, densaýlyq saqtaý Ministrliginiń jelisi boiynsha aimaqtarǵa taratty», - dedi sózin qorytyndylaǵan Mankeev.
Qor basshylyǵy qyzmetkerlerdiń ekpe alýǵa degen yntasyn oiatý úshin birqatar sharalardy qolǵa alǵan. Máselen, basshylyqtan bastap, qyzmetkerler arasynda #menekpealdym jáne #vaktsinatsiialanǵan chellendjderi uiymdastyrylǵan.
Aita keteiik, Qordyń saitynda kompaniialar tobyndaǵy vaktsina alǵan qyzmetkerlerdiń sany týraly schetchik jumys isteidi. Sondai-aq, qyzmetkerlerdi koronavirýsqa qarsy egilýge yntalandyrý úshin jyl saiynǵy aqyly eńbek demalysyna qosymsha demalys kúnderin qosý, kezekten tys aqyly demalys kúnderi berý, vaktsina salǵyzǵan qyzmetkerler arasynda utys oiyndaryn uiymdastyrý siiaqty sharalar ótken.
