2021 jyldyń 28 sáýirinde Amsterdam aýdandyq soty Anatol Stati, Gabriel Stati, Ascom S. A. jáne Terra Raf Trans Traiding Ltd (Stati) «Samuryq-Qazyna «UÁQ» AQ-ǵa qarsy bastaǵan sot protsesinde aralyq sheshim shyǵardy.
Amsterdam aýdandyq soty Gaaga apelliatsiialyq soty sheshim shyǵarǵanǵa deiin sot isin toqtata turýǵa sheshim qabyldady, dep habarlaidy "Ult aqparat" QR Ádilet ministrliginiń baspasóz qyzmetine siteme jasap.
Esterińizge sala keteiik, 2020 jylǵy 18 jeltoqsanda basqa sot talqylaýy sheńberinde Niderlandynyń Joǵarǵy Soty Amsterdam Apelliatsiialyq sotynyń KMG Kashagan B. V.-daǵy Qor aktsiialaryna ýaqytsha tyiym salýǵa qatysty 2019 jylǵy 7 mamyrdaǵy sheshimin joiyp, isti basqa sotqa - Gaaga apelliatsiialyq sotyna qaita qaraýǵa jiberdi.
Amsterdam aýdandyq soty óz sheshiminiń sebebin eki istiń de KMG Kashagan B.V.-daǵy Qordyń aktsiialaryna tyiym salýdyń quqyqtyq mártebesine qatystylyǵymen túsindirdi.
Sonymen qatar, sot tyiym salýdy kúshinde qaldyrýdyń quqyqtyq negizderine bailanysty suraqqa jaýap Qordyń jáne Respýblikanyń májbúrlep oryndaýdan immýnitetke negizdelgen dálelderin eskere otyryp jáne osy másele boiynsha Joǵarǵy sottyń sheshimi aiasynda qarastyrylyp berilý kerek dep eskertti. Amsterdam aýdandyq soty qazirgi sot isinde protsessýaldyq qiyndyqtarǵa ákeletin qarama-qaishy sheshimderdi boldyrmaýǵa tyrysý qajet dep atap ótti.
Gollandiialyq sottyń sheshimi Stati, olardyń demeýshileri Deniel Chepmen jáne onyń kompaniialary úshin taǵy bir túńilýshilik bolyp tabylady, óitkeni bul olardyń alaiaqtyq jolmen alynǵan tórelik sheshimdi oryndaý jónindegi aǵymdaǵy naýqanyn odan ári álsiretti.
