«Samuryq-Qazyna» AQ qaiyrymdylyq kómek kórsetý kezinde jobalardyń júieliligi men kompaniialary ornalasqan óńirlerdi damytýǵa basymdyq beredi. Osy oraida Mańǵystaý oblysy boiynsha áleýmettik jobalar men qaiyrymdylyqqa bólingen qarajattyń kóp bolýy kezdeisoq emes. Sebebi «Samuryq-Qazyna» AQ portfeldik kompaniialary men enshiles kásiporyndarynyń atalǵan aimaq ómirine belsendi aralasý jergilikti halyqtyń turmys jaǵdaiy men ekonomikalyq turaqtylyǵyna orasan zor septigin tigizetini anyq.
Osy oraida barsha «Samuryq-Qazyna» AQ kompaniialar tobynyń atynan qaiyrymdylyq qyzmetimen ainalysatyn «Samruk-Kazyna Trust» qory Atyraýda bastalyp, Jańaózende jalǵasyn tapqan baspasóz týryn Aqtaý qalasynda aiaqtady.
Búgin tiisti sharalarǵa qatysýshylar oblys ortalyǵyndaǵy barlyq áleýmettik basym baǵytta iske asyrylǵan nysandar jumysymen tanysty. Onyń ishinde «Qamqorlyq» ońaltý jáne erte aralasý ortalyqtary ashyldy.
Jalpy, 2016 jyldan bastap, Mańǵystaý oblysynda «Samruk-Kazyna Trust» qorynyń qoldaýymen 4,2 milliard teńgeden astam somaǵa 42 áleýmettik joba iske asyryldy. Biyl ǵana óńirde 1,8 mlrd teńge somaǵa 8 joba maquldandy.
Sonymen, búgingi baspasóz týry barysynda, oblystyq kópsalaly balalar aýrýhanasy aiasynda birden eki «Qamqorlyq» balalar emdeý mekemesiniń – erte aralasý men ońaltý ortalyqtarynyń saltanatty ashylýy ótti. Jobanyń maqsaty - tserebraldy sal aýrýy men neiro-ortopediialyq buzylýlar diagnozy qoiylǵan balalardy zamanaýi jáne sapaly ońaltýǵa qajetti jaǵdai jasaý. Ár ortalyq jylyna 600 balany tegin qabyldai alady. Bul ońaltýdan ortalyqtaryna qabyldaný ýchaskelik pediatrdyń joldamasyn alý qajet. Joba biýdjeti 261,5 mln teńgeni qurady.
«Buryn Aqtaýda ońaltý ortalyǵy bolmaǵan, biz Almaty men Astanaǵa baryp emdelip júrdik. Endi qalamyzdaǵy «Qamqorlyq» ortalyǵyna kelip em alyp júrgenimizge óte qýanyshtymyz. Balamnyń jasy qazir altyda, onyń kórsetip jatqan nátijeleri meni qatty qýantýda. «Samuryq-Qazyna» demeýshiliginiń jáne ońaltý ortalyǵynyń ashylýynyń arqasynda mektepke ýaqytynda baramyz degen oidamyn», - dedi Aqtaý qalasynyń turǵyny Kámshát Eshniiazova.
«Biz Astanadan kelgen mamandardan bilim aldyq, Qor zamanaýi jabdyqtar satyp alyp, qyzmetkerlerdiń jumysy men naýqastardy emdeýde barlyq jaǵdaidy jasaýda. Búginnen bastap balalar em alýǵa kele bastady, olarǵa qazir qabyldaý kesteleri daiyndalýda. Biz óz tarapymyzdan balalarǵa jan-jaqty kómek kórsetý úshin bar kúshimizdi salamyz. Erekshe balalary bar kóptegen otbasylarǵa óz otanynan qajetti mamandardyń qyzmetterin alýǵa múmkindik bergeni úshin demeýshilerge alǵysymyz sheksiz», - dedi «Qamqorlyq» ońaltý ortalyǵynyń aǵa medbikesi Gúlshat Dosymbaeva.
Osy jyldyń tamyz aiynda Mańǵystaý oblystyq perinataldyq ortalyǵy «Samuryq-Qazyna» AQ kompaniialar tobynan zamanaýi gipotermiia apparaty men entsefalografiia monitoryn aldy. Ortalyq direktory Japyraq Epenova atalmysh ýaqyt ishinde apparat bes jańa týǵan náresteniń ómiri men densaýlyǵyn saqtap qalǵanyn aitady. Ústimizdegi jyly gipotermiia jabdyqtaryn Shymkent, Oral, Taldyqorǵan, Óskemen qalalarynyń perinataldyq ortalyqtary da ielendi. Jobanyń jalpy quny 132 million teńgeni qurady.
«Salamatty Bolashaq» jobasyn qoldaý arqyly Qazaqstan boiynsha jappai erekshe qajettilikteri bar balalarǵa arnalǵan beiimdelgen sport sektsiialaryn ashý jalǵasýda. Aqtaýda kásibi jattyqtyrýshylar 28 erekshe balaǵa jańa paralimpiadalyq sport túri – bochchany úiretýde. Kerek qural-jabdyq pen jattyqtyrýshylardyń jumysyna 2,9 mln teńge qarajat bólindi. Atap ótken jón, joba aiasynda kelesi jyly osy sport túrinen alǵashqy jarystardy ótkizý josparlanýda.
«Búgin biz Mańǵystaý oblysynda «Samuryq-Qazyna» AQ qoldaýymen júzege asyrylyp jatqan birqatar nysandardy kórdik. Aqtaý úshin kópten kútken is-sharanyń biri – «Qamqorlyq» ońaltý ortalyǵynyń ashylýy boldy. Endi munda erekshe qaraýdy qajet etetin balalar emdelip, ońaltýdan óte alady. Qordyń kóptegen bastamalary Memleket basshysynyń zamanaýi inkliýzivti qoǵam qurý jáne zamanaýi meditsinany damytý týraly tapsyrmalaryna ilesip keledi», - dep alǵan áserimen bólisti oblystyq máslihat depýtaty Liýdmila Meńdiǵalieva.
«Erekshe qajettilikteri bar balalarǵa arnalǵan Ońaltý ortalyqtary men sport sektsiialaryn ashý – bul erterekte elordaǵa baryp emdelýge májbúr bolǵan balalar men olardyń ata-analary úshin úlken kómek. Sondai-aq, Mańǵystaý oblysynda óte kerek gipotermiia apparaty úshin alǵysymyzdy aitamyz. Osyndai mańyzdy jobalardy júzege asyryp otyrǵan «Samuryq-Qazyna», «AYALA» jáne «Qamqorlyq» qorlaryna úlken rahmet. Aldaǵy ýaqytta da seriktestigimiz jalǵasyn taba bersin!» - dep tilegin bildirdi Mańǵystaý oblysy Densaýlyq saqtaý basqarmasynyń basshysy Amanbek Jumyrov.
Úkimettik emes uiym ókilderiniń qaiyrymdylyq qyzmetin qarjylandyrý týraly ótinimderin qaraý kezinde inkliýzivti jobalardy qoldaýǵa basymdyq beriledi. Qoǵamda inkliýziia institýtynyń damýy - barlyq adamnyń densaýlyq jaǵdaiyna, turmystyq jai-kúiine nemese basqa da aiyrmashylyqtaryna qaramastan bilim alýǵa, jumysqa ornalasýǵa, sport sektsiialaryna, mádeni is-sharalarǵa jáne ózge de baǵyttarǵa teń qol jetkizýge jol ashady.
Úsh kúnniń ishinde jinalǵan jurtshylyq Atyraý jáne Mańǵystaý oblystaryndaǵy «Samuryq-Qazyna» AQ qarjylyq qoldaýymen iske asyrylǵan 13 áleýmettik sala nysanyn aralady. Maqsat - Qor qyzmetiniń ashyqtyǵyn arttyrý jáne óńirlerde jumys isteitin áleýmettik jobalardy tanystyrý boldy.
«Samruk-Kazyna Trust» qory «Samuryq-Qazyna» AQ kompaniialar tobynyń biryńǵai qaiyrymdylyq operatory bolyp tabylady jáne búkil el boiynsha áleýmettik jobalardy júzege asyrady. Jobalardyń bastamashylary portfeldik kompaniialar men úkimettik emes uiym ókilderi bolyp tabylady.
Qaiyrymdylyq kómek kórsetýge ótinim berý erejesi týraly aqparat https://sk-trust.kz/ saitynda ornalastyrylǵan.
Jumys kúnderi jedel jeli +7 7172 57 6898 nómiri arqyly keńes alýǵa bolady.
