"Samuryq-Qazyna" UÁQ" AQ ókilderi qordyń basqarýshy qyzmetkerlerine syiaqy berýge qatysty pikir bildirdi, - dep habarlaidy kaz.tengrinews.kz tilshisi.
"Samuryq-Qazyna" UÁQ" AQ direktorlar keńesi 8 tulǵadan turady. Qazaqstannyń premer-ministri Baqytjan Saǵyntaev, qarjy ministri Baqyt Sultanov, ulttyq ekonomika ministri Timýr Súleimenov, prezidenttiń kómekshisi Álihan Smailov, Ómirzaq Shókeevtiń ózi jáne táýelsiz úsh direktor - Baron Olive Dekamp, Richard Evans pen Aleksandr Mirchev. Ómirzaq Shókeevtiń syiaqydan bas tartqanyn esepke ala otyryp, direktorlar keńesiniń árbir múshesine 90 million teńgeden berildi nemese aiyna 7,5 million teńge syiaqy berildi", - deidi qordyń baspasóz qyzmetiniń ókilderi.
Sonymen birge, shyǵyndar táýelsiz direktorlarǵa ǵana shyǵarylatyny aitylady. Keńeske kiretin memlekettik qyzmetkerler QR "Memlekettik qyzmet týraly" zańyna sáikes eshqandai syiaqy almaidy.
Direktorlar keńesi múshelerine syiaqy tóleýge jalpy 630 million teńge jumsalǵan. 2015 jyly syiaqy retinde 576 million teńge tólendi.
Bul shyǵyndarǵa eńbekaqy, eńbek demalysy men ózge de tólemder, salyq pen jeńildikter, máselen, meditsinalyq saqtandyrý, baspanamen, qyzmettik kólikpen qamtamasyz etý kiredi.
"Qordyń basqarma músheleri salystyrmaly túrde azyraq aldy. Olarǵa basqarýshy qyzmetkerlerge bólingen 923 millionnan 293 million tólendi. Basqarýshylar sany, Ómirzaq Shókeevti qosqanda, bes adam. Sonda árqaisyna ortasha alǵanda 73,25 million, iaǵni, aiyna 6 million teńgeden astam aqsha keldi", - dedi qor ókilderi.
"Basqarýshy qyzmetkerlerge ákimshilik shyǵyndardy qosqanda, tólenetin syiaqy jylyna 7, 182 million teńge boldy. Ol 2016 jyldyń 31 jeltoqsanynda aiaqtaldy. Jeke qarjylyq esepte basqa soma kórsetilgen - 923 million teńge. Kórsetilgen eki soma da durys. 923 million qor shyǵyny boiynsha ǵana, al biriktirilgen qarjylyq esepke qordyń qaramaǵyndaǵy kompaniialardyń da shyǵyny kórsetilgen - 7 182 million teńge", - deidi kompaniia ókilderi.
Bul qarjy qordyń jáne oǵan qarasty kompaniialardyń basqarýshy qyzmetkerlerine jyl boiǵy tólengen qarjy. Al basqarýshy qyzmetkerlerdiń jalpy sany 120 adam.
