Elordada Prezidenttiń qatysýymen ótken Ulttyq keńes otyrysynda talqylanǵan máselelerge qatysty saiasattanýshy, Eýraziialyq yntymaqtastyq institýtynyń bólim basshysy Samat Nurtaza pikir bildirdi, dep habarlaidy "Ult aqparat".
«Ulttyq keńes otyrysynda mitingige bailanysty jeńildikter, gýmanizatsiia týraly aitylǵan sózder qýantty. Endi mitingige shyǵý quqyǵy paida boldy. Adamdar jeke pikirin aita alatyn múmkindik týady. Miting - ár adamnyń quqyǵy bolsa, Qasym-Jomart Toqaev sol quqyqty berip otyr. Memleket basshysy halyqtyń sózi jerde qalmaýy úshin bárin isteýde», - deidi Samat Nurtaza.
Sondai-aq, ol Parlamenttik oppozitsiia týraly da oiyn bildirdi.
«Parlamenttik oppozitsiia týraly aitylǵan máselege qýanamyn. Shynymen Májiliste oppozitsiia bolyp, halyqtyń ártúrli ókiliniń úni estile bastasa - bul naǵyz demokratiia men liberilizatsiianyń belgisi bolar edi», - deidi ol.
