ەلوردادا پرەزيدەنتتٸڭ قاتىسۋىمەن ٶتكەن ۇلتتىق كەڭەس وتىرىسىندا تالقىلانعان مەسەلەلەرگە قاتىستى ساياساتتانۋشى, ەۋرازييالىق ىنتىماقتاستىق ينستيتۋتىنىڭ بٶلٸم باسشىسى سامات نۇرتازا پٸكٸر بٸلدٸردٸ, دەپ حابارلايدى "ۇلت اقپارات".
«ۇلتتىق كەڭەس وتىرىسىندا ميتينگٸگە بايلانىستى جەڭٸلدٸكتەر, گۋمانيزاتسييا تۋرالى ايتىلعان سٶزدەر قۋانتتى. ەندٸ ميتينگٸگە شىعۋ قۇقىعى پايدا بولدى. ادامدار جەكە پٸكٸرٸن ايتا الاتىن مٷمكٸندٸك تۋادى. ميتينگ - ەر ادامنىڭ قۇقىعى بولسا, قاسىم-جومارت توقاەۆ سول قۇقىقتى بەرٸپ وتىر. مەملەكەت باسشىسى حالىقتىڭ سٶزٸ جەردە قالماۋى ٷشٸن بەرٸن ٸستەۋدە», - دەيدٸ سامات نۇرتازا.
سونداي-اق, ول پارلامەنتتٸك وپپوزيتسييا تۋرالى دا ويىن بٸلدٸردٸ.
«پارلامەنتتٸك وپپوزيتسييا تۋرالى ايتىلعان مەسەلەگە قۋانامىن. شىنىمەن مەجٸلٸستە وپپوزيتسييا بولىپ, حالىقتىڭ ەرتٷرلٸ ٶكٸلٸنٸڭ ٷنٸ ەستٸلە باستاسا - بۇل ناعىز دەموكراتييا مەن ليبەريليزاتسييانىڭ بەلگٸسٸ بولار ەدٸ», - دەيدٸ ول.
