Foto:gov.kz
Ulttyq qaýipsizdik komiteti tóraǵasynyń burynǵy birinshi orynbasary Samat Ábishke qatysty qylmystyq is boiynsha tergeý aiaqtaldy. Is sotqa jiberildi, dep habarlaidy Kazinform agenttigi.
«Qazaqstan Respýblikasy Bas prokýratýrasynyń Cotqa deiingi tergep-tekserý qyzmeti S.Ábishke qatysty qylmystyq isti tergeýdi aiaqtaǵanyn habarlaimyn. QR Qylmystyq kodeksiniń 362-babynyń 4-bóligi boiynsha is qozǵalyp, sotqa joldandy», - delingen atalǵan qyzmettiń basshysy Rizabek Ojarovtyń resmi jaýabynda.
Osy qylmystyq is aiasynda Samat Ábish aýyr saldarǵa ákep soqtyrǵan biligin jáne qyzmettik ókilettigin asyra paidalandy degen kúdikke ilingen. Kúdiktige qatysty eshqaida ketpeý týraly bultartpaý sharasy qabyldanǵan. Ol qazir Qazaqstan aýmaǵynan shyqpaǵan.
«Qylmystyq iste memlekettik qupiialardy qamtyǵan málimetter bar ekenin eskere otyryp, sotqa deiingi tergep-tekserý derekteri jariia etilmeidi», - dep atalyp ótken habarlamada.
Eske salaiyq, byltyr 19 qyrkúiekte Samat Ábishke qatysty tergeý júrip jatqany habarlanǵan edi.
Aita keteiik, Samat Ábish – Tuńǵysh Prezident Nursultan Nazarbaevtyń nemere inisi. 2015 jyldan bastap qańtar oqiǵasyna deiin, iaǵni 2022 jyldyń qańtaryna deiin ulttyq qaýipsizdik komiteti tóraǵasynyń birinshi orynbasary qyzmetin atqarǵan
