Petropavlda ótken saltanatty jiynda belgili aktrisa, Kann kinofstivaliniń laýreaty Samal Esliamova Abaidyń ánin oryndady, dep habarlaidy "Ult aqparat" oblys ákiminiń baspasóz qyzmetine silteme jasap.
Soltústik Qazaqstan oblysynyń ákimi Qumar Aqsaqalov saltanatty jiynda soltústikqazaqstandyqtarǵa orden, medal jáne qurmet gramotalaryn tabystady.
Táýelsizdik kúnine orai ótken jiynǵa Samal Esliamova da qatysyp, jerlesteriniń jyly lebizin estidi. Jýyrda Astanada prezident Nursultan Nazarbaev kino aktrisaǵa Qazaqstannyń eńbek sińirgen qairatkeri ataǵyn bergen edi.
"Oblys ákimi Qumar Aqsaqalov ataqty jerlesin mańyzdy nagradasymen quttyqtap, gúl syilady", — dep habarlady baspasóz qyzmeti.
Saltanatty jiyn sońy ádemi merekelik kontsertke ulasty. Oǵan Soltústik Qazaqstannyń shyǵarmashylyq ujymdary men qazaqstandyq juldyzdar qatysty.
Samal Esliamova da kontsertte jańa qyrynan tanyldy. Ol Muqanov atyndaǵy qazaq teatrynyń akterleri men sportshy Margarita Muqashevamen birge uly Abaidyń "Jelsiz túnde jaryq ai" ánin oryndap, jerlesterine tosyn syi jasady.
