Túrkistan oblysynyń turǵyndary salyqtyq raqymshylyq sharasy aiasynda 1 mlrd. teńgege jýyq qaryzyn ótedi, dep habarlaidy "Ult aqparat" QR Qarjy ministrligi Memlekettik kirister komitetiniń baspasóz qyzmetine silteme jasap.
Baspasóz qyzmetiniń málimetterine qaraǵanda, biylǵy jyldyń 4 jeltoqsanyndaǵy jaǵdai boiynsha 600 myńnan astam qazaqstandyq salyq raqymshylyǵy múmkindikterin paidalandy. Olar salyq boiynsha 8,5 mlrd teńge qaryzyn tóledi, al 1 mlrd teńgege jýyq ósimpul esepten shyǵaryldy.
Salyq raqymshylyǵyn paidalanǵan azamattar arasynda Túrkistan oblysy kósh bastap tur. Oblysta 118 839 boryshkerdiń 77 215-si (65,5%) 995 million teńge tólep, negizgi qaryzdy tólegen. Óńirde esepten shyǵarylǵan ósimpul mólsheri 87,6 mln teńgeni qurady.
Qyzylorda oblysynda 15 791 boryshkerdiń 11 180 jeke tulǵasy (70,8%) 225 mln. teńge kóleminde qaryzyn ótegen, ósimpul 40,4 mln. teńge kóleminde esepten shyǵarylǵan.
Esterińizge sala keteiik, ósimpuldardy esepten shyǵarý aktsiiasy bastalǵan kezde 1,5 mln. jeke tulǵa boiynsha jalpy qaryz 24,6 mlrd teńgeni qurady, onyń ishinde negizgi qaryz somasy 20,3 mlrd teńge, ósimpul 4,3 mlrd. teńge boldy.
MKK jyl sońyna deiin salyqtar boiynsha negizgi qaryzdy tólegen jaǵdaida ósimpuldy esepten shyǵarý boiynsha raqymshylyq qoldanylatynyn eske salady. Salyqtyq raqymshylyq júrgizý merzimi - 2020 jylǵy 31 jeltoqsany.
Ósimpuldy esepten shyǵarý úshin eshqaida barýdyń qajeti joq. Qaryzdyń negizgi somasyn tóleý jetkilikti. Ósimpul avtomatty túrde esepten shyǵarylady. Memlekettik kirister organdarynyń barlyq aýmaqtyq bólimshelerinde ósimpuldardy esepten shyǵarý jónindegi komissiialar quryldy.
«Salyqtar boiynsha bereshektiń bar/joq ekendigi týraly málimetterdi QR QM Memlekettik kirister komitetiniń saitynan, sondai-aq eSalyq mobile (AppStore, PlayMarket) mobildi qosymshasy arqyly tekserýge bolady»,-delingen habarlamada.
