QR Ulttyq ekonomika ministri Rýslan Dálenov shaǵyn jáne orta biznes sýbektilerine kórsetiletin qoldaýdyń negizgi nátijelerin aityp berdi, dep habarlaidy QazAqparat.
«Shaǵyn jáne orta biznesti qoldaý Prezident Joldaýynyń basymdy mindetterdiń biri bolyp tabylady. Búgin elimizdiń belsendi halqynyń 30%-ten astamy shaǵyn jáne orta biznespen ainalysady. Sońǵy 5 jylda ShOB sýbektiler sany 1,5 esege 1,3 mln-ǵa deiin artty» - dedi ministr Ortalyq kommýnikatsiialar qyzmetinde Prezident Joldaýynyń alǵashqy nátijeleri týraly ǵylymi-praktikalyq konferentsiiada.
Sonymen birge, Prezident Qasym-Jomart Toqaevtyń Qazaqstan halqyna Joldaýyna sáikes, shaǵyn jáne shaǵyn kásipkerlik sýbektileri úsh jylǵa tabys salyǵyn tóleýden bosatylady.
«Bul jeńildik 2020 jyldyń 1 qańtarynan bastap kúshine enedi jáne zańnamalyq túzetýler pysyqtaldy.Nátijesinde, biznes 3 jylda 382 mlrd teńge únemdei alady. Únemdelgen soma kásipkerlerge ainalym qarajatyn tolyqtyrýǵa jáne jalpy óz qyzmetterin jaqsartýǵa múmkindik beredi», - dedi R. Dálenov.
Atap ótken jón, munda aktsizdeletin ónimdi óndirý jáne kóterme saýdada ótkizý, oiyn biznesi, lotereia ótkizý, benzindi, dizel otynyn jáne mazýtty bólshek saýdada ótkizý, astyq qabyldaý pýnktterinde astyqty saqtaý, radioaktivti materialdar ainalymy, banktik, aýditorlyq saqtandyrý qyzmeti, baǵaly qaǵazdar naryǵy, kredittik biýrolar, kúzet qyzmeti, azamattyq jáne qyzmettik qarý men onyń patrondarynyń ainalymy, jer qoinaýyn paidalaný jáne syrtqy ekonomikalyq qyzmet sýbektileri salyq tóleýden bosatylmaidy.
«Shaǵyn jáne orta biznes salyqtan bosatyla otyryp, 2020 jyly 1 qańtardan bastap tekserý boiynsha da 3 jylǵa moratorii engiziledi. Orta eseppen 3 jyl ishinde 100 myńǵa jýyq tekserý júrgizilmeitin bolady. Bul ákimshilik júktemeni tómendetýge, biznes-ortanyń turaqtylyǵyn qamtamasyz etýge, biznesti ońai júrgizýge jáne básekelestikti damytýǵa múmkindik beredi», - dedi Ulttyq ekonomika ministri.
Bul rette, moratorii mynadai tekserýlerge qoldanylmaidy: halyqqa jappai qaýip-qaterdiń aldyn alýǵa bailanysty,kásipkerdiń óz ótinishi boiynsha, keden jáne salyq organdary, prokýratýra organdary, sáikestikti baǵalaý salasynda, «Qarjy naryǵy men qarjy uiymdaryn memlekettik retteý, baqylaý jáne qadaǵalaý týraly» Zańda jáne qylmystyq is júrgizý kodeksinde kózdelgen negizder boiynsha jáne ónimniń sanitarlyq-epidemiologiialyq qaýipsizdigin monitoringileý maqsatynda.
Aita keteiik, elordada Prezident Joldaýynyń alǵashqy nátijeleri talqylanyp jatyr. Oǵan memlekettik organdardyń, Qazaqstannyń ǵylymi-saraptamalyq qaýymdastyǵynyń 80-nen astam ókili qatysýda.
