QR Qarjy ministrliginiń Memlekettik kirister komiteti salyq tóleýshiler úshin Telegram chatty iske qosty, dep habarlaidy "Ult aqparat".
Salyq salý jáne kedendik retteý máseleleri boiynsha komitettiń Telegram chatyna júginýge bolady. Jalpy, Memlekettik kirister komiteti halyqpen keri bailanys joldaryn keńeitýdi jalǵastyryp otyr. Jumysyn osy jyldyń naýryz aiynda bastaǵan «Bailanys ortalyǵy» qazirgi kúnge deiin 190 773 ótinishti óńdedi.
Aita keterligi «Bailanys ortalyǵy» keńesshileri kórsetetin qyzmetti osy ýaqytqa deiin 36 760 salyq tóleýshi baǵalaǵan. Onyń ishinde 32 680 salyq tóleýshi «5», al 1 233 salyq tóleýshi «4» degen baǵa qoiǵan.
Bul rette atalǵan ortalyqqa Nur-Sultan qalasynan 34 538, Almatydan 28 606, Shymkentten 5 982, Almaty oblysynan 5 086, Qaraǵandy oblysynan 5 101 salyq tóleýshi ótinishpen júgingen. Al eń az ótinish Qyzylorda (1 810) men Soltústik Qazaqstan oblystarynan (1 337) túsken.
