Salyq tóleýshi bereshegin tóleý merzimin keiinge qaldyra alady. QR Premer-Ministriniń birinshi orynbasary - Qarjy ministri Álihan Smaiylov aitty, dep habarlaidy QazAqparat.
«Memleket basshysynyń tapsyrmasyna bailanysty arnaiy salyq rejimin qoldanylatyn 1,2 millionǵa jýyq mikro jáne shaǵyn biznes sýbektileri jyl basynan bastap 3 jylǵa barlyq tabys salyqtaryn tóleýden bosatyldy. Sonymen qatar qyzmetterin jalpy rejimde júrgizetin jeke kásipkerler osy jyldyń sońyna deiin tabys salyǵyn tóleýden bosatylǵan edi. Bul - shamamen taǵy 72 myń kásipker», - dedi ol Úkimet úiinde ótken brifingte.
Birinshi vitse-premerdiń atap ótýinshe, 2020 jyldyń 1 maýsymyna deiin shaǵyn jáne orta biznestiń 1,3 mln sýbektiniń biýdjetke tóleitin salyqtary men tólemderdi, onyń ishinde áleýmettik tólemderdi tóleýi keiinge qaldyryldy. Atalǵan merzimge deiin salyqtyq jáne kedendik bereshekterdi májbúrlep óndirip alý sharalary toqtatylady.
«Al qosymsha aitarym, «Salyq« kodeksine sáikes, eger salyq tóleýshi bereshekterin tólei almaityn jaǵdaida bolsa, onda olar ózderiniń tirkelgen jerleri boiynsha osy bereshekterin tóleý merzimin keiinge qaldyrý nemese bólip tóleý úshin jergilikti memlekettik kirister departamentine baryp júginýlerine bolady», - dedi Álihan Smaiylov.
