QR Prezidenti Qasym-Jomart Toqaev elge jańa salyq saiasaty kerektigin aitty, dep habarlaidy QazAqparat.
«Bizge jańa salyq saiasaty qajet. Ol saiasat astyrtyn qiturqy áreketterge jol bermeitin, bizneske de, Úkimetke de ashyq, túsinikti bolýy kerek. Úkimetke birshama kúrdeli mindet júktelip otyr. Ol mindetterdiń bárin kásipkerler qaýymymen talqylaý qajet. Salyqty adal tóleý tiimdi ári ońai bolatyndai etip isteý kerek. Bizneske, ásirese iri bizneske jumysy kómeski, kúdikti seriktesterge tózbeýshilik qaǵidatyn ustaný kerek», - dedi Memleket basshysy Qazaqstannyń iri biznes ókilderimen kezdesýinde.
Sondai-aq, ol keden isin de jańa paraqtan bastaýdy usyndy.
«Memlekettiń moinynan kóleńkeli ekonomikanyń úlesin qysqartý mindetin eshkim alǵan joq. Bul biýdjet kirisiniń orasan kózi. Sonymen birge parasatty salyq tóleýshilerdi qoldap, olardy adal emes básekeden arashalaý mańyzdy», - dedi Qasym-Jomart Toqaev.
